Stóru liðin ætla að skaffa litlu liðunum bíla

Bernie Ecclestone segir að samningur sem gerður hefur verið við stærri liðin í Formúlu 1 gæti leitt til þess að þau skaffi minni liðunum bíla. Þetta gæti komið til ef allt stefnir í mikla fækkun keppnisliða.

Hugmyndin um þriggja bíla lið er víðfræg en Ecclestone segir a hún verði útfærð þannig að þriðji bíllinn verði á vegum annars liðs.

Í samtali við dagblaðið Mail í dag gaf hinn 83 ára einráður Formúlu 1, dæmi um hvernig þetta myndi virka.

„Liðin myndi skaffa öðru liði þriðja bílinn, til dæmis ef Sauber legði upp laupana, þá gæti stórt lið samið við Sauber. Ferrari til dæmis gæti sagt, við látum ykkur fá bíl, allt sem honum fylgir og við viljum að þessi styrktaraðili sé á honum. Þið getið sett ykkar eigin styrktaraðila, en við viljum að þessi sjáist og við viljum að þið notið þennan ökumann.“

„Liðið yrði þá ekki gjaldþrota er það? Ef Red Bull myndi ákveða að láta Caterham hafa bíl til dæmis þá væri vandi þeirra hugsanlega leystur,“ bætti Ecclestone við.

Samningur Ecclestone við liðinn segir að ef færri en 20 bílar taka þátt þá komi til notkunar þriðja bíls. Hann er því enn með smá svigrúm, þar sem 11 lið eru ennþá skráð keppendur í Formúlu 1. Þetta ákvæði samningsins tekur ekki gildi fyrr en lið hefur misst af fleiri en tveimur keppnum. Því mun þriggja bíla reglan í fyrsta lagi koma til kastanna 2015. Til þess þurfa bæði Marussia og Caterham að hætta keppni, bæði lið hafa nú misst vald á eigin fjármunum til aðila sem ríkið tilnefnir til að halda utan um fjárhag þeirra. Bæði liðin leita nú nýrra fjárfesta.

„Við þurfum ekki að kynna þriggja bíla Formúlu á þessu stigi vegna þess að liðin mega missa af tveimur keppnum. Þau missa af greiðslum fyrir þessar keppnur en þau tapa ekki stöðu sinni í keppni bílasmiða. Ég hef ekki hugmynd um hvort Marussia muni komast yfir þessa erfiðleika. Það hefði verið betra ef liðið hefði ekki þurft að missa vald á fjárhag sínum,“ sagði Ecclestone að lokum.

Það þurfa 16 bílar að mæta í hverja keppni svo ekki sé um brot á samningum við keppnishaldara að ræða. Það eru því miklir hagsmunir fyrir Ecclestone að það komi ekki til þess að færri en 16 bílar verði eftir í Formúlu 1.