FIA breytir tímatökunni í Texas

FIA (alþjóða akstursíþróttasambandið) hefur ákveðið að tímatakan í Texas á laugardag verði með breyttu sniði. Breytingin er til að koma til móts við fjarveru Caterham og Marussia.

Það sem einungis níu lið mættu til bandaríkjanna vantar fjóra bíla. Einungis fjórir hægustu munu detta út í fyrstu lotu, fjórir hægustu í annarri. Tíu hröðustu bílarnir berjast svo í þriðju lotu um ráspól.

Dómarar keppninnar sendu erindi til Jean Todt, forseta FIA varðandi refsingu Caterham og Marussia fyrir að mæta ekki til keppni. FIA ákvað taka tillit til fjárhagsaðstæðna liðanna og sleppa því að beita refsingu í þetta skipti.

Sebastian Vettel sagði í gær að hann myndi af öllum líkindum sleppa tímatökunni til að spara nýja vél sem sett verður í bíl hans yfir helgina. Hugsanlega verður þó gamla vélin látin duga þangað til næst en það er ólíklegt. Afleiðingarnar verða þá að 17 bílar taki þátt í tímatökunni.