Ford lækkar verð á öllum nýjum bílum

Ford á Íslandi hefur lækkað verð á öllum nýjum bílum vegna fyrirhugaðra breytinga á virðisaukaskatti sem taka gildi 1. janúar næstkomandi. Við breytingarnar lækkar virðisaukaskatturinn úr 25,5% í 24% sem þýðir um 1,2% lækkun á verði nýrra bíla.

Þess má geta að hlunnindaskattur lækkar einnig sem þessu nemur. Eins og áður sagði lækkaði verð á öllum nýjum Ford, bæði fólksbílum og sendibílum. Sem dæmi má nefna Ford Ka sem var á 1.690.000 kr. en er nú á 1.670.000 kr. sem er lægsta verðið á Íslandi á nýjum bíl.

Eins má nefna Ford Focus C-MAX sem var á 3.690.000 kr. en er nú á 3.630.000 kr. Ford Explorer var áður á 9.650.000 kr. en er nú á 9.520.000 kr. Í einhverjum tilfellum hafa verð á nýjum bílum lækkað um meira en 1,2%. Má þar nefna Ford Fiesta Trend sem er nú á 2.390.000 en var áður á 2.450.000 kr. og Ford Kuga var á 6.290.000 kr. en er nú fáanlegur á 6.190.000 kr.

Margverðlaunuðu Transit sendbílarnir hafa að sjálfsögðu einnig lækkað í verði. Sem dæmi má nefna Ford Transit Connect, sendibíl ársins 2014, sem var á 2.382.470 kr. án Vsk en er nú á 2.350.598 kr. án Vsk. Ford Transit Custom, sendibíll ársins 2013, var á 3.498.008 kr. án Vsk en er nú á 3.450.199 kr. án Vsk.

Brimborg hvetur áhugasama að líta við í reynsluakstur og njóta góðs af verðlækkunum. Brimborg tekur allar tegundir bíla upp í. Einnig er hægt að senda póst á ráðgjafa Ford hjá Brimborg á netfangið ford@brimborg.is.