Þessar uppskriftir er auðvelt að gera heima fyrir og þarf engin sérstök tól og tæki til eins og ísvél.
Frosin granateplajógúrt
Frosin jógúrt
2 bollar grísk jógúrt
4 msk. hunang
Granateplasnúningur
2 bollar granateplafræ
4 msk. hunang
2 msk. sítrónusafi
½ msk. maizena-mjöl
Setjið granateplafræ í matvinnsluvél og myljið í smástund. Setjið fræin, hunang, sítrónusafa og maizena-mjöl í pott og hitið yfir lágum hita þangað til sýður. Leyfið að sjóða í nokkrar mínútur. Takið af eldavélinni og leyfið að kólna í smástund. Hellið blöndunni í gegnum sigti til að losna við fræin. Setjið sósuna í ísskáp þangað til hún er köld.
Blandið hunangi við grísku jógúrtina. Frystið í um einn til tvo tíma. Takið úr frystinum og hrærið með gaffli. Setjið aftur inn í frysti þangað til blandan er nánast gaddfreðin. Setjið blönduna í matvinnsluvél og blandið vel. Hellið granateplasósunni ofan á og blandið með gaffli. Setjið í frysti eða berið fram strax.
Fengið hér.
Jarðarberjajógúrt
Safi úr einu súraldini
2 msk. vodka
6 msk. hunang
6 bollar frosin jarðarber
2/3 bollar grísk jógúrt
Blandið öllum hráefnum saman í matvinnsluvél í um fimm mínútur. Berið fram strax eða setjið í frysti.
Fengið hér.
Karamellusósa
240 g sykur
80 g bráðið smjör
200 ml rjómi
Bræðið sykurinn yfir lágum hita þangað til hann fær karamellulit. Hrærið smjörinu og rjómanum hratt og vel saman við. Takið af hitanum og leyfið að kólna við stofuhita.
Fengið hér.
Mangójógúrt m. pistasíukurli
Frosin jógúrt
2 bollar frosið mangó
½ bolli jógúrt
1 msk. hunang
¼ tsk. kardimommur
Pistasíukurl
2 msk. saxaðar pistasíuhnetur
2 msk. saxaðar möndlur
1 msk. kókossykur
1/8 tsk. kardimommur
1/2 tsk. kókosolía
Blandið öllum hráefnum í kurlið saman í skál og blandið saman með höndunum þannig að kókosolían þeki allt. Blandið öllum hráefnum í jógúrtina saman í matvinnsluvél í um þrjár mínútur. Berið fram strax með kurlinu ofan á eða frystið.
Fengið hér.
