Guðmundur Hólmar Helgason, fyrirliði Vals í Olís-deild karla, var á fundi Aganefndar HSÍ í gær úrskurðaður í eins leiks bann vegna rauða spjaldsins sem hann fékk í leiknum gegn FH í undanúrslitum Coca-Cola bikarsins á föstudaginn.
Hann verður í leikbanni þegar Valsmenn taka á móti ÍBV í 21. umferð Olís-deildarinnar á morgun.
Guðmundur fékk að líta rauða spjaldið fyrir brot á Benedikt Reyni Kristinssyni, hornamanni FH, á lokasekúndum fyrri framlengingarinnar, andartaki áður en Ísak Rafnsson jafnaði metin í 38-38 og tryggði Hafnfirðingum aðra framlengingu.
FH fór að lokum með sigur af hólmi, 40-44, og tryggði sér sæti í úrslitaleiknum. Þar urðu Hafnfirðingar að sætta við eins marks tap, 23-22, fyrir ÍBV.
Guðmundur, sem kom til Vals frá Akureyri 2013, hefur skorað 74 mörk í 17 deildarleikjum með Hlíðarendaliðinu í vetur. Valsmenn sitja í toppsæti Olís-deildarinnar með 32 stig eftir 20 leiki.
Guðmundur Hólmar í eins leiks bann | Missir af leiknum gegn ÍBV
Ingvi Þór Sæmundsson skrifar

Mest lesið


„Ég hef aldrei séð Stjörnuna spila svona“
Íslenski boltinn


Sara Björk áfram í Sádi-Arabíu
Fótbolti

„Ég er mjög þreyttur“
Íslenski boltinn

„Mæli með að dómarar nái þessum hraða með boltann“
Íslenski boltinn

Uppgjörið: Afturelding - Vestri 1-1 | Deila með sér stigunum
Íslenski boltinn

Dildó-faraldurinn heldur áfram í WNBA
Körfubolti

Hólmbert Aron til Suður-Kóreu
Fótbolti

Leiknir selur táning til Serbíu
Íslenski boltinn