Ísland got Talent: Örlög Öglu Bríetar í höndum Þorgerðar Katrínar

Agla Bríet var hitt atriði kvöldsins til að komast áfram í Ísland got Talent. BMX Bros fékk flest atkvæði en örlög Öglu og Tindatríósins voru í höndum dómara.

Selma Björnsdóttir og Jón Jónsson völdu Öglu en Bubbi Morthens gaf feðgunum frá Tindum sitt atkvæði. Úrslitaatkvæðið var því í höndum Þorgerðar Katrínar Gunnarsdóttur. Eftir langa umhugsun valdi hún Öglu og Agla komin áfram.

Hún verður eitt atriðanna sex sem mun taka þátt í úrslitaþætti Ísland got Talent sem verður í beinni útsendingu Stöðvar 2 þann 12. apríl næstkomandi.