Jóhann Berg Guðmundsson spilaði allan leikinn þegar Charlton bar sigurorð af Reading í B-deildinni á Englandi í dag.
Lokatölur 3-2, Charlton í vil en liðið hefur verið á miklu skriði að undanförnu og unnið fimm af síðustu sex deildarleikjum sínum.
Aron Einar Gunnarsson var í byrjunarliði Cardiff sem vann góðan 2-0 heimasigur á Birmingham. Landsliðsfyrirliðinn var tekinn af velli í hálfleik en Cardiff skoraði bæði mörkin eftir að Aron var farinn af velli.
Eiður Smári Guðjohnsen, sem var valinn í íslenska landsliðið fyrir leikina gegn Kasakstan og Eistalandi, sat allan tímann á varamannabekknum þegar Bolton gerði 1-1 jafntefli við Wigan á útivelli.
Kári Árnason var í leikbanni og lék ekki með Rotherham sem laut í gras fyrir Sheffield Wednesday á heimavelli, 2-3.
Jóhann Berg og félagar á flugi
Tengdar fréttir
Eiður Smári í hópnum á móti Kasakstan | Sölvi og Elmar meiddir
Landsliðsþjálfararnir Heimir Hallgrímsson og Lars Lagerbäck tilkynntu í dag hópinn sem mætir Kasakstan í undankeppni EM 2016 28. mars og Eistum í vináttuleik.
