Nýjasta stórmynd leikstórans Steven Spielberg verður að hluta tekin upp í Færeyjum, að því er miðlar þar í landi greina frá. Um er að ræða mynd byggða á vinsælu barnabókinni The BFG (sem stendur fyrir ‘Big friendly giant‘) eftir enska rithöfundinn Roald Dahl.
Líkt og þegar hefur verið greint frá mun Ólafur Darri Ólafsson fara með hlutverk í myndinni, en þó er ekki víst að hann verði við tökur í Færeyjum, þar sem fyrst og fremst stendur til að ná landslagsmyndum. Kvikmyndin er sú fyrsta sem Spielberg gerir fyrir Disney, sem er einn framleiðanda.
Tökur hefjast í Færeyjum í júlí næstkomandi.
Spielberg tekur upp í Færeyjum
Tengdar fréttir
Ólafur Darri í Spielbergmynd
Ólafur Darri leikur risa í nýrri mynd eftir Steven Spielberg, BFG, sem byggð er á sögu eftir Roald Dahl.
