Trommari Radiohead fer fögrum orðum um Mammút

Hljómsveitin Mammút er á miklu flugi um þessar mundir en hún skrifaði nýverið undir plötusamning við bresku plötuútgáfuna Bella Union. Sveitin hefur gefið út fimm laga plötu sem nefnist River´s end en á henni eru að finna lög sveitarinnar á ensku.

Sveitin var nýverið spiluð í þættinum Finest Hour hjá breska ríkisútvarpinu BBC en í þeim þætti hafði trommari Radiohead, Philip Selway, hlaupið í skarðið fyrir stjórnanda þáttarins Guy Garvey.

„Þetta er kvintett sem heldur uppi merkjum frábærrar tónlistar frá Íslandi. Mjög kröftugur staður,“ sagði Selway sem fór fögrum orðum um íslenska bandið.