Dregið í Meistaradeild Evrópu | Stjarnan fer til Kýpur

Dregið var í undanriðla í Meistaradeild Evrópu í dag.

Íslandsmeistarar Stjörnunnar eru í C-riðli með Apollon Limassol frá Kýpur, KÍ Klaksvík frá Færeyjum og Hibernians frá Möltu.

Undanriðlarnir eru alls átta en hver riðill samanstendur af fjórum liðum. Sigurvegari hvers riðils kemst í 32-liða úrslit Meistaradeildarinnar sem hefjast 7. október.

Leikirnir í undanriðlunum verða 11.-16. ágúst næstkomandi en þeir fara allir fram á sama stað. Riðill Stjörnunnar verður leikinn á Kýpur en liðin leika innbyrðis hvert við annað.

Stjörnustúlkur féllu úr leik fyrir rússneska liðinu Zvezda Perm í 32-liða úrslitunum í fyrra.