WOW Cyclothon hefst á morgun Stefán Árni Pálsson skrifar 22. júní 2015 19:00 Fjöldi hjólreiðarmanna tók þátt í fyrra vísir/ Daníel WOW Cyclothon hjólreiðakeppnin er orðinn stærsti einstaki hjólreiðaviðburður á Íslandi en fjöldi þáttakenda í ár hefur meira en tvöfaldast frá því í fyrra. Keppnin er nú haldin í fjórða sinn og eru keppendur yfir þúsund talsins í 116 liðum. Í keppninni verður hjólað með boðsveitarformi hringinn í kringum Ísland, um Hvalfjörð og yfir Öxi á innan við 72 tímum.Lagt af stað frá Laugardalsvelli Lið Hjólakrafts sem keppa í eigin flokki munu leggja af stað í kvöld kl. 18 frá Laugardalsvelli. Á morgun, þriðjudaginn 23. júní munu aðrir keppendur í WOW Cyclothon leggja af stað, einnig frá Laugardalsvelli. Einstaklingskeppendur kl. 10, A flokkur með 6 liðsmönnum kl. 18 og B flokkur með 10 liðsmönnum kl.19.Áheitaverkefnið Markmiðið er ekki eingöngu að hjóla til sigurs heldur einnig að styðja gott málefni. Í fyrra söfnuðust um 15 milljónir til styrktar tækjakaupum fyrir bæklunarskurðdeild Landspítalans. Í ár verður hjólað til styrktar uppbyggingu Batamiðstöðvar á geðsviði Landspítalans á Kleppi en málefni geðsjúkra hafa almennt ekki notið mikils stuðnings í samfélaginu. Söfnunarfénu verðu varið til að byggja upp aðstöðu til hreyfingar á Kleppi og til að ráða íþróttafræðing til að leiða verkefnið. Aðstendur WOW Cyclothon vilja einnig leggja sitt lóð á vogarskálarnar í baráttu gegn fordómum í garð geðsjúkra. Nú þegar hafa safnast um það bil 2,5 milljón króna á áheitavef WOW Cyclothon. „Geðsjúkdómar eru alvarlegir sjúkdómar og ein helsta orsök langvinnra veikinda. Rannsóknir benda til þess að stór hluti sjúklinga með geðræn veikindi hreyfi sig lítið, neyti óhollari fæðu, reyki meira og lifi almennt óheilsusamlegra lífi en heilbrigðir einstaklingar. Þetta leiðir til aukins algengis lífsstílstengdra sjúkdóma og stórskertra lífsgæða. Öll þekkjum við hve fjölþætt vægi hreyfingar er fyrir almenna heilsu fólks og andlega vellíðan. Á það einnig við um fólk með geðraskanir. Reynslan sýnir til að einstaklingar með geðklofa sem stunda líkamsrækt eiga oft auðveldara með að hafa stjórn á einkennum sjúkdómsins. Þessi einkenni geta t.d. verið skortur á frumkvæði, félagsleg einangrun og ofskynjanir. Hreyfing er stór þáttur í bataferli sjúklinga og því til mikils að vinna ef hægt er að bjóða upp á líkamsþjálfun sem hluta af endurhæfingu þeirra og auka um leið lífsgæðin,“ segir María Einisdóttir framkvæmdastjóri geðsviðs Landspítala. „Á meðferðardeildinni í Laugarásnum hafa íþróttafræðingar boðið upp á hreyfingu sem hluta af meðferð, en þar er í endurhæfingu ungt fólk með geðrofssjúkdóma. Ekki hefur verið möguleiki að bjóða upp á hreyfingu sem meðferðarúrræði á Kleppi vegna fjárskorts. Á Kleppsspítala eru 50 legurými auk þess sem stór hópur sækir þangað daglega þjónustu dag- og göngudeilda. Með þessum styrk verður því hægt að bjóða upp á heildræna heilsueflingu þar sem fer saman fræðsla og stuðningur fagaðila. Með söfnun WOW Cyclothon verður loksins hægt að láta draum um Batamiðstöð á Kleppi rætast,“ segir María.Batamiðstöð Hreyfing hefur jákvæð áhrif á geðræn einkenni og því er mikilvægt að leggja áherslu á uppbyggingu úrræða á geðsviði Landspítala sem gerir skjólstæðingum kleift að stunda líkamsrækt sér til heilsubótar og aukinna lífsgæða. Batamiðstöð er tilraunaverkefni til þriggja ára og krefst þess að ráðnir séu tveir íþróttafræðingar auk þess sem kaupa þarf tæki í íþróttasalinn á Kleppi. Fyrirhugað er að byggja upp íþróttaaðstöðu á Kleppi og ráða íþróttafræðinginn Rafn Harald Rafnsson til að leiða verkefnið. Vonast er til að verkefnið skili sér í bættum lífsstíl með lækkun á kostnaði fyrir notendur sjálfa t.d. lækkun á lyfjakostnaði og fyrir samfélagið í heild. En fyrst og fremst eykur Batamiðstöð lífsgæði notenda geðsviðs sem er aðalhvatinn að baki verkefninu. Reynslan hefur sýnt sig að með hreyfingu hafa geðsjúkir fengið skjótari bata og geta tekið fyrr þátt í samfélaginu t.d. með atvinnuþátttöku. „Það dylst engum að góð líkamleg heilsa og hreyfing skiptir sköpum fyrir lífsgæði fólks. Fólk með geðfötlun á þó því miður oft erfitt með að huga að sinni líkamlegu heilsu á sama tíma og það glímir við mikla geðræna og tilfinningalega erfiðleika. Aðstoð við það getur því skipt sköpum í lífi fólks. Að veita hverjum og einum þann stuðning sem til þarf, ráðgjöf og val um ólíkar leiðir til heilsueflingar tryggir aukin lífsgæði og er því lykilatriði í öflugri og persónumiðaðri geðheilbrigðiþjónustu. Styrkur WOW Cyclothon til þessa verkefnis er því ómetanlegur,“ segir Hjalti Einarsson verkefnastjóri á geðsviði Landspítalans. Wow Cyclothon Mest lesið „Verið ekki að sjúga lítil typpi því þið verðið hrukkóttar“ Lífið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun „Ég hef ekki trú á öðru en að við lifum þetta af“ Bíó og sjónvarp Heitasta listapar landsins á djamminu Lífið „Pylsusala“ á Lækjartorgi á kvennafrídaginn Lífið Ása og Leo héldu tvöfalda skírnarveislu Lífið Sveinn Andri og María Sigrún mættu á frumsýninguna Lífið Furðuleg forréttindablinda Gagnrýni Tróð matnum upp í sig til að reyna fá andstæðinga sína til að hlæja Lífið Fleiri fréttir Musk æstur í Reðursafnið Ása og Leo héldu tvöfalda skírnarveislu Tróð matnum upp í sig til að reyna fá andstæðinga sína til að hlæja „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Sjá meira
WOW Cyclothon hjólreiðakeppnin er orðinn stærsti einstaki hjólreiðaviðburður á Íslandi en fjöldi þáttakenda í ár hefur meira en tvöfaldast frá því í fyrra. Keppnin er nú haldin í fjórða sinn og eru keppendur yfir þúsund talsins í 116 liðum. Í keppninni verður hjólað með boðsveitarformi hringinn í kringum Ísland, um Hvalfjörð og yfir Öxi á innan við 72 tímum.Lagt af stað frá Laugardalsvelli Lið Hjólakrafts sem keppa í eigin flokki munu leggja af stað í kvöld kl. 18 frá Laugardalsvelli. Á morgun, þriðjudaginn 23. júní munu aðrir keppendur í WOW Cyclothon leggja af stað, einnig frá Laugardalsvelli. Einstaklingskeppendur kl. 10, A flokkur með 6 liðsmönnum kl. 18 og B flokkur með 10 liðsmönnum kl.19.Áheitaverkefnið Markmiðið er ekki eingöngu að hjóla til sigurs heldur einnig að styðja gott málefni. Í fyrra söfnuðust um 15 milljónir til styrktar tækjakaupum fyrir bæklunarskurðdeild Landspítalans. Í ár verður hjólað til styrktar uppbyggingu Batamiðstöðvar á geðsviði Landspítalans á Kleppi en málefni geðsjúkra hafa almennt ekki notið mikils stuðnings í samfélaginu. Söfnunarfénu verðu varið til að byggja upp aðstöðu til hreyfingar á Kleppi og til að ráða íþróttafræðing til að leiða verkefnið. Aðstendur WOW Cyclothon vilja einnig leggja sitt lóð á vogarskálarnar í baráttu gegn fordómum í garð geðsjúkra. Nú þegar hafa safnast um það bil 2,5 milljón króna á áheitavef WOW Cyclothon. „Geðsjúkdómar eru alvarlegir sjúkdómar og ein helsta orsök langvinnra veikinda. Rannsóknir benda til þess að stór hluti sjúklinga með geðræn veikindi hreyfi sig lítið, neyti óhollari fæðu, reyki meira og lifi almennt óheilsusamlegra lífi en heilbrigðir einstaklingar. Þetta leiðir til aukins algengis lífsstílstengdra sjúkdóma og stórskertra lífsgæða. Öll þekkjum við hve fjölþætt vægi hreyfingar er fyrir almenna heilsu fólks og andlega vellíðan. Á það einnig við um fólk með geðraskanir. Reynslan sýnir til að einstaklingar með geðklofa sem stunda líkamsrækt eiga oft auðveldara með að hafa stjórn á einkennum sjúkdómsins. Þessi einkenni geta t.d. verið skortur á frumkvæði, félagsleg einangrun og ofskynjanir. Hreyfing er stór þáttur í bataferli sjúklinga og því til mikils að vinna ef hægt er að bjóða upp á líkamsþjálfun sem hluta af endurhæfingu þeirra og auka um leið lífsgæðin,“ segir María Einisdóttir framkvæmdastjóri geðsviðs Landspítala. „Á meðferðardeildinni í Laugarásnum hafa íþróttafræðingar boðið upp á hreyfingu sem hluta af meðferð, en þar er í endurhæfingu ungt fólk með geðrofssjúkdóma. Ekki hefur verið möguleiki að bjóða upp á hreyfingu sem meðferðarúrræði á Kleppi vegna fjárskorts. Á Kleppsspítala eru 50 legurými auk þess sem stór hópur sækir þangað daglega þjónustu dag- og göngudeilda. Með þessum styrk verður því hægt að bjóða upp á heildræna heilsueflingu þar sem fer saman fræðsla og stuðningur fagaðila. Með söfnun WOW Cyclothon verður loksins hægt að láta draum um Batamiðstöð á Kleppi rætast,“ segir María.Batamiðstöð Hreyfing hefur jákvæð áhrif á geðræn einkenni og því er mikilvægt að leggja áherslu á uppbyggingu úrræða á geðsviði Landspítala sem gerir skjólstæðingum kleift að stunda líkamsrækt sér til heilsubótar og aukinna lífsgæða. Batamiðstöð er tilraunaverkefni til þriggja ára og krefst þess að ráðnir séu tveir íþróttafræðingar auk þess sem kaupa þarf tæki í íþróttasalinn á Kleppi. Fyrirhugað er að byggja upp íþróttaaðstöðu á Kleppi og ráða íþróttafræðinginn Rafn Harald Rafnsson til að leiða verkefnið. Vonast er til að verkefnið skili sér í bættum lífsstíl með lækkun á kostnaði fyrir notendur sjálfa t.d. lækkun á lyfjakostnaði og fyrir samfélagið í heild. En fyrst og fremst eykur Batamiðstöð lífsgæði notenda geðsviðs sem er aðalhvatinn að baki verkefninu. Reynslan hefur sýnt sig að með hreyfingu hafa geðsjúkir fengið skjótari bata og geta tekið fyrr þátt í samfélaginu t.d. með atvinnuþátttöku. „Það dylst engum að góð líkamleg heilsa og hreyfing skiptir sköpum fyrir lífsgæði fólks. Fólk með geðfötlun á þó því miður oft erfitt með að huga að sinni líkamlegu heilsu á sama tíma og það glímir við mikla geðræna og tilfinningalega erfiðleika. Aðstoð við það getur því skipt sköpum í lífi fólks. Að veita hverjum og einum þann stuðning sem til þarf, ráðgjöf og val um ólíkar leiðir til heilsueflingar tryggir aukin lífsgæði og er því lykilatriði í öflugri og persónumiðaðri geðheilbrigðiþjónustu. Styrkur WOW Cyclothon til þessa verkefnis er því ómetanlegur,“ segir Hjalti Einarsson verkefnastjóri á geðsviði Landspítalans.
Wow Cyclothon Mest lesið „Verið ekki að sjúga lítil typpi því þið verðið hrukkóttar“ Lífið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun „Ég hef ekki trú á öðru en að við lifum þetta af“ Bíó og sjónvarp Heitasta listapar landsins á djamminu Lífið „Pylsusala“ á Lækjartorgi á kvennafrídaginn Lífið Ása og Leo héldu tvöfalda skírnarveislu Lífið Sveinn Andri og María Sigrún mættu á frumsýninguna Lífið Furðuleg forréttindablinda Gagnrýni Tróð matnum upp í sig til að reyna fá andstæðinga sína til að hlæja Lífið Fleiri fréttir Musk æstur í Reðursafnið Ása og Leo héldu tvöfalda skírnarveislu Tróð matnum upp í sig til að reyna fá andstæðinga sína til að hlæja „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Sjá meira
Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?”