Þrautreynd rúmensk landsliðskona til Fylkis

Lið Fylkis í Pepsi-deild kvenna heldur áfram að bæta við sig mannskap fyrir seinni hluta sumarsins.

Fyrr í vikunni samdi Fylkir við ástralska landsliðskonu og nú hefur önnur landsliðskona frá Rúmeníu, Andreea Laiu, bæst í hópinn.

Laiu, sem er 29 ára sóknarmaður, lék með Amazon Grimstad í Noregi í fyrra en þar áður var hún hjá Apollon Limassol á Kýpur og lék m.a. með liðinu í Meistaradeild Evrópu. Hún hefur leikið yfir 90 landsleiki fyrir Rúmeníu.

Fylkiskonur hafa verið á mikilli siglingu að undanförnu og unnið fjóra leiki í röð í Pepsi-deildinni, auk þess sem liðið er komið í undanúrslit Borgunarbikarsins.