Fallegt ferðalag hjá Louis Vuitton

Leikkonan Michelle Williams hefur setið fyrir í fjölda auglýsinga fyrir Louis Vuitton, en nú í fyrsta skipti leikur hún í auglýsingu fyrir tískumerkið.

Um er að ræða tveggja mínútna langa auglýsingu eða stuttmynd, The Spirit of Travel. Þar sést Williams keyra um eyðimörk í glæsilegri birfreið, klædd í Louis Vuitton frá toppi til táar. 

Þema myndarinnar er flökku- og ævintýraþrá og í upphafi hennar segir Williams. „I have no destination. I have a destiny“ eða „ég hef engann áfangastað, ég fylgi bara örlögunum“.

Með Williams í myndinni er sænska leikkonan og fyrirsætan Alicia Vikander. Saman gera þær myndina að einstakri upplifun sem fær mann til þess að langa til að ferðast, og ferðast með stíl. 

En sjón er sögu rikari og má sjá myndina hér fyrir neðan.