Herra Hnetusmjör sendir frá sér myndband við Selfie

Herra Hnetusmjör hefur sent frá sér tónlistarmyndband við lagið Selfie. Lagið er að finna á frumburði hans sem nefnist Flottur Skrákur. Þetta er annað myndbandið sem rapparinn sendir frá sér en hið fyrra var við lagið Ekkert vesen.

„Líkt og öll önnur lög á plötunni er það pródúsað af Joe Fraizer. Myndbandið er skotið yfir eina helgi og við þökkum öllum sem komu að því, á einn eða annan hátt, kærlega fyrir,“ segir Herra Hnetusmjör.

Upptaka og myndvinnsla var í höndum Árna Beinteins en að sögn Herrans er hann algjört „wizkid“ þegar kemur að kvikmyndum og myndböndum.

Myndbandið má sjá hér að neðan. Plötuna Flottur Skrákur má nálgast á flotturskrakur.com og að auki er hægt að streyma henni á Spotify.