Viltu feta í fótspor Jean Paul Gaultier?

Það muna eflaust margir eftir búningunum úr framtíðarmyndinni The Fifth Element eftir Luc Besson, en það var enginn annar en Jean Paul Gaultier sem hannaði þá.

Hvíti gallinn, sem Milla Jovovic klæddist, sem virtist samsettur úr þykkum böndum, vakti sérstaklega mikla athygli og varð mikill innblástur fyrir tísku tíunda áratugarins.

Nú vinnur Luc Besson að nýrri framtíðarmynd,Valerian and the City of a Thousand Planets, með engri annarri en Cara Delevingne í einu aðalhlutverkanna ásamt Clive Owen. Og í stað þess að leita til þekktra búningahönnuða biðlar hann til óþekktra hönnuða um allan heim, og óskar eftir hugmyndum að búningum fyrir myndina.

Myndin er byggð á skáldsögu sem gerist í geimnum árið 2580, svo hugmyndaflugið þarf að vera gott. Keppnin er þegar byrjuð og hægt er að senda inn hugmyndir hér til 27. nóvember.