Fleiri láta sérframleiða sófa

KYNNING: Í Línunni fást sófar frá sænska framleiðandanum Furninova sem er leiðandi á sínu sviði og selur sófa um alla Evrópu, Norður-­ Ameríku og Asíu.

Línan á að baki tuttugu ára farsælt samstarf við Furninova sem leggur ríka áherslu á að framleiða sófa fyrir heimili, fyrirtæki og stofnanir á samkeppnishæfu verði. Sófana er hægt að sérpanta og þannig laga útlitið að óskum hvers og eins.

Furninova býður upp á eitt besta úrval áklæða og leðurs sem þekkist á markaðnum. Viðskiptavinir geta sérpantað sófana og valið úr ótal áklæðum en Furninova afhendir um 250.000 sérframleidda sófa til viðskiptavina vítt og breitt um heim á ári hverju.

„Við eigum jafnan vinsælustu sófana á lager og getum afhent þá samdægurs. Það hefur hins vegar færst í vöxt að viðskiptavinir setji saman sinn eigin sófa með því að velja úr því mikla úrvali sem framleiðandinn býður upp á. Við kappkostum að veita viðskiptavinum okkar faglega þjónustu og aðstoðum þá við að finna áklæði eða leður sem hentar þörfum hvers og eins,“ segir Hrund Kristjánsdóttir, eigandi Línunnar, og tekur fram að það kosti ekkert aukalega að sérpanta sófa.

Auk hefðbundinna sófa er Línan með einingasófa sem er hægt að byggja upp í sófa af ýmsum stærðum og gerðum.

Möguleikarnir eru fjölmargir og er til dæmis hægt að velja sætafjölda, mismunandi arma og viðar- eða krómfætur.

„Eins er hægt að velja mismunandi innvols í sessur sem hefur áhrif á mýktina,“ útskýrir Hrund en sófarnir eru teiknaðir upp í þrívíddar-teikniforriti svo viðskiptavinir átti sig betur á útkomunni.

Aðspurð segir Hrund algengan biðtíma eftir sérframleiddum sófa vera átta vikur en í sumum tilvikum getur hann verið skemmri eða lengri. „Nú er því rétti tíminn til að panta draumasófann fyrir þá sem vilja fá afhent fyrir jól.“

Áhugasömum er bent á að kynna sér úrvalið á linan.is. Verslunin er til húsa að Bæjarlind 14-16.