Guðrún frá Lundi, Dísa ljósálfur og pönk á Patró Gunnþóra Gunnarsdóttir skrifar 6. nóvember 2015 09:13 Hópurinn sem stendur að ráðstefnunni. Steinunn Inga er númer tvö frá hægri í fremstu röð. „Við viljum fá áheyrendur til að bráðna fyrir stuttum og snjöllum erindum okkar um margvísleg málefni,“ segir Steinunn Inga Óttarsdóttir glaðlega. Hún er ein þeirra tuttugu og tveggja meistaranema í hagnýtri menningarmiðlun við Háskóla Íslands sem halda málþingi í dag milli klukkan 13 og 17 í húsnæði HÍ við Stakkahlíð, nánar tiltekið í salnum Bratta. Þau kalla það Menningarbræðing. „Hver og einn heldur fimm mínútna erindi um sitt nördalega sérsvið,“ lýsir Steinunn Inga og nefnir sem dæmi matjurtaræktun í Reykjavík fyrr og nú, óperu um Dísu ljósálf, pönk á Patró, skreytingu Baltasars í Flateyjarkirkju, ólöglegt niðurhal, eskimóa í ólgusjó, bókasöfn Lundúnaborgar og Guðrúnu frá Lundi. En hvað valdi Steinunn sjálf sem umræðuefni? „Ég ætla að segja frá Magnúsi Stephensen konferensráði og sjóferð hans til Kaupmannahafnar haustið 1825. Ég skrifaði meistararitgerð um ferðasögur Íslendinga frá upphafi til 1835 og Magnús er svo skemmtileg týpa, því það eru á honum svo margar hliðar. Hann gat verið mikið merkikerti og snobbhæna en svo gat hann verið mildur og mjúkur líka. Magnús kemur við sögu í nýju bókinni hans Einars Más, Hundadögum, þannig að ég vitna í heimildir frá upphafi ferðar til ársins 2015.“ Steinunn Inga segir það lið í náminu að nemendur haldi svona ráðstefnu einu sinni á vetri, og leggi þar hver og einn sitt af mörkum. „Maður þarf að kjarna sig til að koma efni frá sér á skilmerkilegan en fjörlegan hátt á fimm mínútum,“ segir hún og kveðst afar ánægð í hagnýtri menningarmiðlun. „Þar er glímt fræðilega við menningararfinn og menningarpólitíkin er krufin. Svo er hópurinn frábær og kennararnir líka og búið að vera brjálað að gera það sem af er vetri,“ segir hún. En býst hún við að það verði jafn brjálað að gera þegar náminu lýkur? „Það vona ég en veltur kannski svolítið á manni sjálfum. Mikið er orðið um sjónræna miðlun og við tökum námskeið í að búa til stuttmyndir, heimildarmyndir og vefi. Það er heilmikil kúnst að koma menningunni út til fólks og gera hana aðgengilega.“ Steinunn segir alla velkomna að líta inn í Bratta í dag hvenær sem er að hlusta á valin erindi, fá sér kaffibolla og kleinu og tekur fram að ókeypis sé inn. Dagskrána má sjá hér. Mest lesið „Ég fæ morgnana til að vera bara ég“ Tónlist Ógleymanlegt fermingarpils enn í uppáhaldi Tíska og hönnun Tæpur helmingur íbúa hefur séð myndina Bíó og sjónvarp Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Við viljum fá áheyrendur til að bráðna fyrir stuttum og snjöllum erindum okkar um margvísleg málefni,“ segir Steinunn Inga Óttarsdóttir glaðlega. Hún er ein þeirra tuttugu og tveggja meistaranema í hagnýtri menningarmiðlun við Háskóla Íslands sem halda málþingi í dag milli klukkan 13 og 17 í húsnæði HÍ við Stakkahlíð, nánar tiltekið í salnum Bratta. Þau kalla það Menningarbræðing. „Hver og einn heldur fimm mínútna erindi um sitt nördalega sérsvið,“ lýsir Steinunn Inga og nefnir sem dæmi matjurtaræktun í Reykjavík fyrr og nú, óperu um Dísu ljósálf, pönk á Patró, skreytingu Baltasars í Flateyjarkirkju, ólöglegt niðurhal, eskimóa í ólgusjó, bókasöfn Lundúnaborgar og Guðrúnu frá Lundi. En hvað valdi Steinunn sjálf sem umræðuefni? „Ég ætla að segja frá Magnúsi Stephensen konferensráði og sjóferð hans til Kaupmannahafnar haustið 1825. Ég skrifaði meistararitgerð um ferðasögur Íslendinga frá upphafi til 1835 og Magnús er svo skemmtileg týpa, því það eru á honum svo margar hliðar. Hann gat verið mikið merkikerti og snobbhæna en svo gat hann verið mildur og mjúkur líka. Magnús kemur við sögu í nýju bókinni hans Einars Más, Hundadögum, þannig að ég vitna í heimildir frá upphafi ferðar til ársins 2015.“ Steinunn Inga segir það lið í náminu að nemendur haldi svona ráðstefnu einu sinni á vetri, og leggi þar hver og einn sitt af mörkum. „Maður þarf að kjarna sig til að koma efni frá sér á skilmerkilegan en fjörlegan hátt á fimm mínútum,“ segir hún og kveðst afar ánægð í hagnýtri menningarmiðlun. „Þar er glímt fræðilega við menningararfinn og menningarpólitíkin er krufin. Svo er hópurinn frábær og kennararnir líka og búið að vera brjálað að gera það sem af er vetri,“ segir hún. En býst hún við að það verði jafn brjálað að gera þegar náminu lýkur? „Það vona ég en veltur kannski svolítið á manni sjálfum. Mikið er orðið um sjónræna miðlun og við tökum námskeið í að búa til stuttmyndir, heimildarmyndir og vefi. Það er heilmikil kúnst að koma menningunni út til fólks og gera hana aðgengilega.“ Steinunn segir alla velkomna að líta inn í Bratta í dag hvenær sem er að hlusta á valin erindi, fá sér kaffibolla og kleinu og tekur fram að ókeypis sé inn. Dagskrána má sjá hér.
Mest lesið „Ég fæ morgnana til að vera bara ég“ Tónlist Ógleymanlegt fermingarpils enn í uppáhaldi Tíska og hönnun Tæpur helmingur íbúa hefur séð myndina Bíó og sjónvarp Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira