Adam skaut Akureyri í kaf

Adam Haukur Baumruk átti stórleik fyrir Hauka í kvöld er þeir unnu stórsigur á Akureyri, 29-19.

Adam skoraði 11 mörk í leiknum sem Haukar leiddu frá fyrstu mínútu. Norðanmenn sáu í raun aldrei til sólar í leiknum.

Haukar komust á toppinn með sigrinum en Valur getur endurheimt toppsætið takist liðinu að leggja Fram en sá leikur er nú í gangi.

Akureyri er sem fyrr í áttunda sæti deildarinnar.

Haukar-Akureyri  29-19 (16-9)

Mörk Hauka: Adam Haukur Baumruk 11, Einar Pétur Pétursson 5, Elías Már Halldórsson 4, Janus Daði Smárason 3, Egill Eiríksson 2, Leonharð Harðarson 1, Heimir Óli Heimisson 1, Matthías Árni Ingimarsson 1, Þröstur Þráinsson 1.

Mörk Akureyrar: Andri Snær Stefánsson 8, Bergvin Þór Gíslason 4, Friðrik Svavarsson 2, Kristján Orri Jóhannsson 2, Halldór Logi Árnason 1, Hörður Másson 1, Sigþór Árni Heimisson 1.