Tónleikafyrirtæki Friðriks Ómars hagnast um 120 þúsund krónur

Rigg ehf., viðburða- og tónleikafyrirtæki Friðriks Ómars Hjörleifssonar, hagnaðist um 120 þúsund krónur á síðasta ári. Hagnaður félagsins dróst talsvert saman á milli ára en félagið hagnaðist um 3,9 milljónir árið 2013.

Fyrirtækið stóð meðal annars fyrir tónleikum þar sem lög Tom Jones, U2 og Meat Loaf voru leikin auk þess að sjá um tónleikana á Fiskideginum mikla á Dalvík.

Félagið heldur einnig utan tekjur Friðrik Ómars af því að koma fram sem söngvari.

Eignir Rigg nema 22,5 milljónum, eigið fé 11,4 milljónum og skuldir 11,1 milljón en allt hlutafé er í eigu Friðriks Ómars.

Mikið er um að vera hjá Rigg og Friðriki Ómari þessa dagana. Uppselt var á þrjá jólatónleikar í Hofi á Akureyri í gær. Þá hélt Rigg einnig tvenna jólatónleika í Salnum í Kópavogi.