Conor McGregor, nýkrýndur fjaðurvigtarmeistari í UFC, hélt langa tölu á blaðamannafundi eftir bardagann um helgina og ræddi meðal annars um Gunnar Nelson, æfingafélaga sinn.
Gunnar tapaði fyrir Demian Maia um helgina á stigum eftir ójafnan bardaga þar sem Brasilíumaðurinn hafði mikla yfirburði.
Sjá einnig: Gunnar: Ég var lélegur
„Hjarta mitt brast við að sjá bardaga Gunnars,“ sagði Conor og valdi orðin sín vel.
Hann sagði að það hefði margt sem hefði stuðlað að þessari niðurstöðu en að Gunnar hafi ekki sýnt sitt rétta andlit.
„Þetta var ekki hinn rétti og sanni Gunnar Nelson sem við sáum. Hann býr yfir öllum réttu brögðunum og kann þau öll. Þetta er allt á réttri leið fyrir hann.“
Sjá einnig: Sjáðu bardaga Gunnars í heild sinni
„En það var afar leitt að sjá hvernig fór fyrir honum. En að sama skapi verður maður að bera virðingu fyrir Demian Maia.“
„Þetta var fallegur bardagi og Gunnar mun snúa til baka. Hann mun vaxa við þessa raun eins og hann hefur gert áður.“
Conor um bardaga Gunnars: Hjarta mitt brast

Tengdar fréttir

Sjáðu bardaga McGregor: Conor rotaði Aldo á 13 sekúndum
Conor McGregor er nýr heimsmeistari í fjaðurvigt. Hann stóð heldur betur undir öllum stóru orðunum í nótt.

Maia: Gunnar er frábær bardagamaður
Demian Maia hrósaði Gunnari Nelson eftir glímu þeirra í Las Vegas í nótt.

Gunnar Nelson missti af risatækifæri
Gunnar Nelson sá aldrei til sólar í bardaga sínum gegn Brasilíumanninum reynda Demian Maia. Gunnar viðurkenndi að hafa verið lélegur en ætlar sér að koma sterkari til baka eftir þetta tap.

Sjáðu bardaga Gunnars í heild sinni: Maia var of stór biti fyrir Gunnar Nelson
Gunnar Nelson tapaði fyrir Brasilíumanninum á stigum í bardaganum í Las Vegas. Dóri DNA og Bubbi Morthens lýstu bardaganum.

Maia sló Gunnar 193 sinnum
Ótrúlegir yfirburðir Demian Maia komu fram í tölfræði bardagans.

Gunnar: Ég var lélegur
Gunnar Nelson var bólginn og blár er Vísir hitti á hann í Las Vegas eftir tapið gegn Demian Maia í nótt.