Glæsilegur drengur kom í heiminn á Ísafirði um klukkan hálf ellefu í morgun. Hann er að því er fréttastofa kemst næst fyrsta barn jóladags en sex börn komu í heiminn í gær, aðfangadag.
Að sögn Sigrúnar Rósu Vilhjálmsdóttur ljósmóður er drengurinn fimmtán merkur og heilsast öllum ljómandi vel. Sannkölluð jólastemmning er á fæðingardeildinni þar sem nóg er af góðum mat.
Von gæti verið á fleiri jólabörnum í dag, bæði á Akureyri og á Selfossi.
