Stephen Nielsen kominn með íslenskan ríkisborgararétt

Stephen Nielsen, markvörður Eyjamanna, er kominn með íslenskan ríkisborgararétt en þetta kemur fram á vef Alþingis.

Nielsen kom til landsins fyrir nokkrum árum og sló algjörlega í gegn hjá liði Vals. Hann á íslenska eiginkonu og er í dag orðinn Íslendingur.

Nielsen hefur leikið vel með ÍBV í Olís-deildinni í vetur og gæti jafnvel átt framíðina fyrir sér í íslenska landsliðinu. Hann er fæddur árið 1985 í Danmörku.

Hann kemur aftur á móti ekki til greina í landsliðshópinn fyrir EM í Póllandi í janúar en Aron Kristjánsson er nú þegar búinn að tilkynna inn 28 manna hóp.