Ljóð frá ýmsum tímum við tuttugustu aldar tóna Gunnþóra Gunnarsdóttir skrifar 11. ágúst 2015 11:15 Sólveig Anna og Ingibjörg starfa saman í Kvennakór Garðabæjar en halda nú sína fyrstu tónleika tvær saman. Vísir/Andri Marinó „Lögin hafa öll verið lengi á óskalista mínum en ég hef ekki flutt þau fyrr,“ segir Ingibjörg Guðjónsdóttir sópransöngkona um efni tónleikanna í Listasafni Sigurjóns á Laugarnestanga í kvöld, þriðjudag, sem hefjast klukkan 20.30. Þar syngur hún og Sólveig Anna Jónsdóttir leikur á píanó. „Þetta eru allt 20. aldar lög en ljóðin eru frá ólíkum tímum,“ heldur Ingibjörg áfram og nefnir sem dæmi tónlist eftir Roger Quilter (1887-1953) við ljóð frá 16. öld. „Það er skemmtileg blanda sem harmónerar vel saman og úr verður áferðarfallegt og sterkt tónmál.“ Annar minni ljóðaflokkur er við tónlist eftir William Walton (1902-1983). „Walton er þekktur fyrir stærri verk,“ lýsir Ingibjörg, „en þarna býr hann til skemmtilega stemningu úr þremur mjög ólíkum sönglögum.“ Þetta var breski hlutinn. Svo er amerískur hluti líka. Ingibjörg nefnir meðal annars lag eftir fyrsta ameríska kventónskáldið, Amy M.C. Beach (1867-1944), sem hún segir hafa verið rokna píanista. „Við ljúkum svo tónleikunum á þremur sönglögum eftir Leonard Bernstein sem þekktur er fyrir söngleiki sína,“ segir Ingibjörg. „Þessi lög heyrast ekki oft en bera hans höfundarsvip og einkennast af léttleika.“ Ingibjörg og Sólveig starfa saman í Kvennakór Garðabæjar en halda nú sína fyrstu tónleika tvær saman. Sólveig Anna kveðst lítið hafa þekkt til verkanna á efnisskránni þegar þær byrjuðu að æfa. „En þetta er tónlist sem ég féll fyrir og höfðar vel til mín,“ segir hún. Spurðar hvort þær ætli víðar með prógrammið segir Sólveig Anna aldrei að vita hverju þær taki upp á fyrst þær séu komnar af stað. „Svona dagskrá verður ekki til fyrirhafnarlaust en undirbúningurinn er búinn að vera tóm gleði. Það er svo gaman að vinna með Ingibjörgu og efnisskráin er dásamleg.“ Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Lögin hafa öll verið lengi á óskalista mínum en ég hef ekki flutt þau fyrr,“ segir Ingibjörg Guðjónsdóttir sópransöngkona um efni tónleikanna í Listasafni Sigurjóns á Laugarnestanga í kvöld, þriðjudag, sem hefjast klukkan 20.30. Þar syngur hún og Sólveig Anna Jónsdóttir leikur á píanó. „Þetta eru allt 20. aldar lög en ljóðin eru frá ólíkum tímum,“ heldur Ingibjörg áfram og nefnir sem dæmi tónlist eftir Roger Quilter (1887-1953) við ljóð frá 16. öld. „Það er skemmtileg blanda sem harmónerar vel saman og úr verður áferðarfallegt og sterkt tónmál.“ Annar minni ljóðaflokkur er við tónlist eftir William Walton (1902-1983). „Walton er þekktur fyrir stærri verk,“ lýsir Ingibjörg, „en þarna býr hann til skemmtilega stemningu úr þremur mjög ólíkum sönglögum.“ Þetta var breski hlutinn. Svo er amerískur hluti líka. Ingibjörg nefnir meðal annars lag eftir fyrsta ameríska kventónskáldið, Amy M.C. Beach (1867-1944), sem hún segir hafa verið rokna píanista. „Við ljúkum svo tónleikunum á þremur sönglögum eftir Leonard Bernstein sem þekktur er fyrir söngleiki sína,“ segir Ingibjörg. „Þessi lög heyrast ekki oft en bera hans höfundarsvip og einkennast af léttleika.“ Ingibjörg og Sólveig starfa saman í Kvennakór Garðabæjar en halda nú sína fyrstu tónleika tvær saman. Sólveig Anna kveðst lítið hafa þekkt til verkanna á efnisskránni þegar þær byrjuðu að æfa. „En þetta er tónlist sem ég féll fyrir og höfðar vel til mín,“ segir hún. Spurðar hvort þær ætli víðar með prógrammið segir Sólveig Anna aldrei að vita hverju þær taki upp á fyrst þær séu komnar af stað. „Svona dagskrá verður ekki til fyrirhafnarlaust en undirbúningurinn er búinn að vera tóm gleði. Það er svo gaman að vinna með Ingibjörgu og efnisskráin er dásamleg.“
Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira