Gigi Hadid fetar í fótspor systur sinnar

Fyrirsætan Gigi Hadid, fetar í fótspor systur sinnar, en hún leikur í nýju myndbandi kærasta síns, Zayn Malik við lagið Pillow Talk, sem kom út í morgun.

Systir Gigi, fyrirsætan Bella Hadid, fór einmitt með hlutverk í myndbandi kærasta síns, The Weeknd við lagið In The Night.

Zayn, var eins og einhverjir vita, í einni vinsælustu strákasveit heims, One Direction, en sagði skilið svið sveitina á miðju tónleikaferðalagi þann 25.mars í fyrra. Zayn virðist ætla að notfæra sér þessa dagsetningu enn frekar, en fyrsta sólóplatan hans, Mind of Mine kemur út 25.mars 2016. 

Misjafnar skoðanir eru meðal fólks hvort aðkoma Gigi að myndbandinu hafi verið gáfuleg, þar sem hún er ein vinsælasta fyrirsæta heims í dag og hvort myndbandið fái einungis athygli út á hana.

Þykir þetta vera í mótsögn við það sem Zayn hefur sagt í viðtölum undanfarið, þar sem hann hefur talað um að þess plata eigi að snúast um hann og hans tónlist. 

Það er hinsvegar önnur saga, því lagið Pillowtalk er alls ekki allra. Dæmi nú hver fyrir sig, en myndbandið má sjá hér fyrir neðan.