Grótta tryggði sér í kvöld sæti í undanúrslitum í bikarkeppni HSÍ, Coca Cola-bikarnum, er liðið valtaði yfir 1. deildarlið Fjölnis, 18-29.
Grótta leiddi í hálfleik, 10-14, og hélt svo áfram að byggja á það forskot í síðari hálfleik.
Finnur Ingi Stefánsson fór hamförum í liði Gróttu í kvöld og skoraði 12 mörk að því er fram kemur á mbl.is.
Lárus Helgi Ólafsson var öflugur í marki Gróttumanna og varði 17 skot.
Kristján Örn Kristjánsson var markahæstur í liði heimamanna með sex mörk en það dugði ekki til.
Handbolti
