Gunnar Nelson steig síðast í búrið þann 12. desember síðastliðinn í Las Vegas og það verður bið á því að hann berjist aftur.
Gunnar verður ekki með Conor McGregor að þessu sinni er hann berst í Las Vegas í upphafi næsta mánaðar. Margir vonuðust eftir því að sjá Gunnar á bardagakvöldi í London í lok þessa mánaðar en af því verður heldur ekki.
„Gunni er með augastað á bardagakvöldinu í Rotterdam í maí,“ segir Haraldur Dean Nelson, faðir og umboðsmaður Gunnars, í samtali við Vísi.
Sjá einnig: Gunnar farinn til Dublin að aðstoða Conor
Kvöldið sem Haraldur vísar til fer fram þann 8. maí næstkomandi en þetta verður í fyrsta skipti sem UFC fer til Hollands.
Það liggur ekkert fyrir með mögulegan næsta andstæðing Gunnars.
„Við höfum tjáð UFC að við höfum áhuga á þessu kvöldi og þeir hafa sömuleiðis lýst yfir áhuga á því að Gunni verði á þessu kvöldi. Lengra er málið ekki komið,“ segir Haraldur en ljóst er að Gunnar mun ekki berjast fjórum sinnum í ár eins og hann hafði áhuga á.
„Hann kaus frekar að taka sér smá frí frá keppni og vinna í ákveðnum hlutum hjá sér. Það gæti samt farið svo að hann nái þrem bardögum á árinu.“
Gunnar berst líklega ekki aftur fyrr en í maí
Tengdar fréttir
Facebook-síða Gunnars Nelson hökkuð: Missti þúsund fylgjendur
Fyrir helgi fóru að birtast mjög einkennilegar færslur á Facebook-síða Gunnars Nelson og hann hefur nú útskýrt að síðan hafi verið hökkuð.
Gunnar Nelson íþróttamaður ársins 2015 að mati lesenda Vísis
Bardagakappinn efstur í kosningunni annað árið í röð.
Gunnar stendur í stað á lista UFC
Nýr styrkleikalisti var gefinn út hjá UFC í gær og Gunnar Nelson er í sama sæti og síðast.
Gunnar Nelson: Ég veit að ég fer alla leið þannig að öllum er óhætt að fylgjast áfram með
Íþróttamaður ársins á Vísi 2015 stefnir að því að berjast oft á nýju ári.
Gunnar: Barnalegt að kenna mér um að einhverjir strákar sláist á skólalóð
Fremsti bardagakappi vísar ásökunum skólastjóra Salaskóla til föðurhúsanna.
