Top Gear sækir um leyfi til að drifta Mustang yfir London Tower Bridge

Núna standa yfir tökur á nýjum Top Gear bílaþáttum og framleiðendum þar er greinilega fátt heilagt, sem fyrr. Þeir hafa sótt um leyfi til borgaryfirvalda í London að fá að drifta Ford Mustang bíl yfir London Tower Bridge á laugardaginn næstkomandi.

Svo virðist sem leyfi til þess hafi fengist. Ástæða þess að þetta lak út er að íbúar í nágrenni brúarinnar frægu hafa fengið bréf þar sem látið er vita af þeim hávaða sem þessu mun fylgja en til þess að bíllinn nái tilætluðum hraða þarf að leggja af stað á Mustang bílnum nálægt heimili fólks.

Einhver íbúi þar sendi Jalopnik bílavefnum bréfið og má sjá það hér að neðan. Nú er svo bara að bíða eftir að sýningar á þáttunum hefjist aftur, en talsvert er síðan að síðustu Top Gear þættir voru sýndir á BBC með þríeykinu sem nú framleiða bílaþætti fyrir Amazon. Það er kominn tími á nýja þætti.