Glamour

Ómótstæðilegur óléttustíll Blake Lively vekur athygli

Ristjórn skrifar
Það komast fáir með tærnar þar sem Blake hefur hælana þegar að það kemur að því að skara fram úr á rauða dreglinum.
Það komast fáir með tærnar þar sem Blake hefur hælana þegar að það kemur að því að skara fram úr á rauða dreglinum. Myndir/Getty
Blake Lively er af mörgum talin ein best klædda kona Hollywood. Hún er um þessar mundir að kynna nýjustu kvikmynd sýna, The Shallows. Á seinustu dögum hefur hún verið að mæta á hina ýmsu fjölmiðlaviðburði tengda myndinni og það kemur ekkert annað til greina en að mæta í nýjum fötum á hvern viðburð. 

Blake er gengin nokkra mánuði á leið með sitt annað barn og það skín svo sannarlega af henni þessa dagana. Hún nær að klæða bumbuna upp á fallegan og klassískan hátt.

Vert er að taka fram að allar myndirnar hér að neðan eru teknar á seinustu tveimur til þremur dögum. 

Það eru ekki allir sem þora að fara í gallajakka yfir fínan síðkjól en Blake nær að rokka það.
Kjóll með tjull pilsi og latex toppi. Það er ekki að sjá að Blake sé gengin langt á leið með barni.
Glæsileg í klassískum þröngum kjól með hárið upp.
Í eftirpartýinu eftir frumsýningu myndarinnar. Einfaldur en samt skemmtilegur og kynþokkafullur kjóll sem sýnir fallegu bumbuna.
Hvítur perlu kjóll og hettupeysa? Það má samkvæmt Blake.
Fallegur blár kjóll með berar axlir sem fer henni einstaklega vel.
Andlitslitaður pallíettukjóll úr chiffon efni er eitthvað sem Blake mætti klæðast oftar.

Mest lesið




×

Mest lesið