Fylkir vann sinn fyrsta sigur í Pepsi-deild kvenna í sumar þegar liðið sótti FH heim í Kaplakrika í kvöld. Lokatölur 1-2, Fylki í vil.
Með sigrinum fóru Árbæingar upp úr 9. sætinu og í það sjöunda en liðið er með sjö stig líkt og FH sem er í 8. sæti.
Selja Ósk Snorradóttir kom Fylkiskonum yfir á 12. mínútu en Ingibjörg Rún Óladóttir jafnaði metin á lokamínútu fyrri hálfleiks. Þetta er aðeins þriðja markið sem FH skorar í Pepsi-deildinni í sumar.
Það var svo Rut Kristjánsdóttir sem reyndist hetja Fylkis þegar hún skoraði sigurmarkið á 61. mínútu.
Langþráður sigur Fylkis staðreynd en liðið mætir Þór/KA á heimavelli í næstu umferð. FH-ingar sækja hins vegar ÍBV heim í næsta leik sínum.
Fyrsti sigur Fylkis og liðið upp um tvö sæti
Tengdar fréttir
Mexíkósk sveifla fyrir norðan | Margrét Lára hetja Vals
Þremur leikjum er lokið í 7. umferð Pepsi-deildar kvenna.
Umfjöllun, viðtöl og myndir: Breiðablik - Stjarnan 1-0 | Sjáðu markið
Blikar komust í efsta sæti Pepsi-deildar kvenna með naumum sigri í toppslagnum gegn Stjörnunni en fyrirliði Blika, Rakel Hönnudóttir, skoraði eina mark leiksins.
