Handboltamaðurinn Elvar Friðriksson hefur skrifað undir samning við Gróttu og mun leika með Seltirningum í Olís-deildinni í vetur.
Elvar, sem er þrítugur, kemur til Gróttu frá Val sem hann hefur leikið með lengst af ferilsins. Elvar hefur einnig leikið sem atvinnumaður með Lemvig og Hammarby.
Elvar, sem getur bæði spilað sem leikstjórnandi og skytta, kemur til með að styrkja lið Gróttu sem hefur misst skytturnar Viggó Kristjánsson og Daða Laxdal Gautason í sumar.
Grótta endaði í 5. sæti Olís-deildarinnar í fyrra og féll svo úr leik fyrir ÍBV í 8-liða úrslitum úrslitakeppninnar.
Elvar á Nesið
