Nýjar vikutölur úr laxveiðinni

Nú líður að lokum veiðitímans og fyrstu árnar að loka fyrir veiði en skilyrðin síðustu daga hafa verið afar erfið í flestum ánum.

Það sem stendur upp úr tölunum fyrir veiði síðustu viku er vikuveiði yfir 1.000 laxa í Ytri Rangá en þar er mokveiði eftir að maðkur og spúnn fór að verða leyfilegt.  Það er mikill lax í ánni og hún á eftir að fara hærra en þetta.  Laxá í Dölum og Laxá í Aðaldal eru komnar yfir 1.000 laxa og þá eru það tíu ár í það heila sem eru komnar yfir 1.000 laxa múrinn.

Skilyrðin halda áfram að vera erfið í ánum á vesturlandi og það virðist ekki vera nægileg úrkoma í kortunum til að lyfta veiðiánum mikið upp en þó vonandi nóg til að hrista aðeins upp í hlutunum og gefa gott haustskot enda eiga árnar það flestar inni því það er ekki laxaskortur í þeim flestum.

Hér fyrir neðan er topp tíu listinn yfir aflahæstu veiðiárnar á landinu en listann í heild sinni má finna á www.angling.is

Ytri Rangá - 7.428

Miðfjarðará - 3.677

Eystri Rangá - 2.976

Blanda - 2.330

Þverá/Kjarrá - 1.808

Norðurá - 1.297

Haffjarðará - 1.218

Langá - 1.159

Laxá í Aðaldal - 1.075

Laxá í Dölum - 1.021