Bílskúrinn: Mercedes átti Monza

Nico Rosberg á Mercedes kom fyrstur í mark á Mkonza og nældi sér í 25 stig. Hann minnkaði forksot liðsfélaga síns í heimsmeistarakeppni ökumanna úr niu stigum í tvö.

Hvernig klúðraði Hamilton málum? Hefur bilið verið minna á milli Mercedes manna? Max Verstappen var nánast ósýnilegur á Monza, hver á Formúlu 1 og hver var ökumaður dagins? Allt þetta er til umfjöllunar í Bílskúrnum, uppgjöri hvers kappaksturs hér á Vísi.

Klúðraði Hamilton keppninni?

Já, að vissu leyti. Ræsingin sem Hamilton klúðraði, eða klúðraði ekki, færði Rosberg keppnina á silfurfati. Hamilton hefur sjálfur sagt að hann þurfi að rannsaka af hverju ræsingin var svona slök.

Hamilton vill meina að eitthvað hafi komið fyrir þrátt fyrir að hann hafi upphaflega sagt að klúðrið hafi verið honum að kenna.

Það verður ekki tekið af heimsmeistaranum að honum tókst að bjarga því sem bjargað varð. Hann ók afar vel eftir að hann var kominn að fyrstu beygju. Leiða má líkum að því að hefðbundin ræsing hjá Hamilton hefði fært honum 25 stig. Þá væri munurinn á milli þeirra 16 stig en ekki 2.

Bilið á milli Mercedes manna

Tvö stig skilja Hamilton og Rosberg að á toppi heimsmeistarakeppni ökumanna.

Nú eru sjö keppnir eftir af tímabilinu. Það gerir nákvæmlega einn þriðja af tímabilinu. Einungis tvö stig eru eftir. Ef sagan er eitthvað til að dæma eftir þá verður Mercedes ekki ofarlega næstu helgi í Singapúr. Ferrari maðurinn Sebastian Vettel vann keppnina í fyrra. Hamilton kláraði ekki og Rosberg varð fjórði.

Að Singapúrkeppninni undanskilinni var Mercedes í fyrsta og öðru sæti það sem eftir var af tímabilinu ef báðir bílar komu í mark. Keppnirnar framundan verða því einkar spennandi og bilið á toppi heimsmeistaramótsins er afar lítið.

Er allt loft úr Max Verstappen?

Yngsti ökumaður sögunnar, Max Verstappen hafði farið mikinn í keppnunum á undan þeirri ítölsku.

Á milli belgíska og ítalska kappakstursins kallaði keppnisstjóri FIA, Charlie Whiting ungstirnið á sinn fund. Whiting sagði Verstappen að hann hefði hugsanlega átt að fá viðvörun fyrir hegðun sína á Spa.

Whiting sagði Verstappen að honum yrði refsað ef hann héldi þessu áfram.

Verstappen varð sjöundi í tímatökunni og tapaði nokkrum sætum í ræsingu. Verstappen vann sig aftur upp í sjöunda sæti. Helgin var ekkert sérstök hjá honum. Ætla má að honum hafi fundist betra að fara varlega um helgina.

Er nýr eigandi að taka yfir sjónvarspréttinum af Formúlu 1?

Orðrómur er á kreiki um að Liberty Media ætli að eignast sjónvarpsréttinn af Formúlu 1. Áætlað kaupverð eru 8,5 milljarðar bandaríkjadala, jafnvirði um 1000 milljarðar íslenskra króna.

Gangi kaupin í gegn er ætlunin að CVC eignarhaldsfélagið sem á 35% hlut í sýningarréttinum til að stíga til hliðar.

Nýjir mögulegir eigendur af sýningarréttinum hafa hóflegar væntingar. Hins vegar eru vissar vonir bundnar við Liberty Media sem er fjölmiðla og afþreyingarfyrirtæki. Ástæðan fyrir því að vonir eru bundnar við það er sú að margir telja að ekki einungis gróðasjónarmið muni ráða ferðinni.

Ökumaður dagsins

Það er ekki annað hægt en að minnast á Fernando Alonso á McLaren sem varð 14. á Monza brautinni. Honda vélin átti ekki roð í Ferrari og Mercedes mótorana. Enda einkennist Monza brautin af löngum beinum köflum og miklum hraða.

Það var því einkar skemmtileg kaldhæðni að sjá Fernando Alonso skella ofurmjúkum dekkjum undir McLaren bílinn undir lokin og ná hraðasta hring keppninnar. Sá hringur var fyrsti hraðasti hringur Honda í Formúlu 1 í 22 ár. Saman leiðir sú staðreynd og munurinn á tíma Alonso og næst hraðasta tíma til þess að Alonso verður að mati blaðamanns ökumaður dagsins.