Sölumet hjá BMW Group

Met var sett í september í heildarsölu á ökutækjum sem heyra undir BMW Group, en það eru BMW, Mini, Rolls-Royce og mótorhjól BMW Motorrad. Alls nam salan á heimsvísu 237.973 eintökum sem er aukning um 10,5% miðað við sama mánuð 2015. Sé litið til fyrstu níu mánaða ársins jókst salan um 6,2% miðað við fyrra ár og seldust alls 1.746.638 ökutæki frá BMW Group á tímabilinu.

Sala á bílum BMW jókst um 9,4% í september þegar alls voru afhentir 197.419 bílar, þar af um 40 þúsund rafmagnsbílar sem er meira en nokkru sinni áður. Sé litið til fyrstu níu mánaða ársins jókst sala BMW um 6% miðað við sama tíma í fyrra og voru alls 1.479.936 bílar afhentir á tímabilinu í ár.

Sala á BMW er einkum drifin áfram af gerðum X-línunnar, þar sem sala hefur aukist mikið hlutfallslega á öllum bílum, BMW X1, X3, X4 og X5. Þá þrefaldaðist sala á 7 línu BMW í september miðað við sama mánuð 2015, en alls voru rúmlega 6.200 lúxusbílar í 7-línunni afhentir í liðnum mánuði.

Framtíðarsýn BMW næstu 100 ár er „hinn fullkomni ökumaður“. Megineinkenni bíla BMW felast í akstursánægju ökumannsins. Að mati BMW munu ökumenn BMW vilja halda áfram í þá ánægju sína og aka sjálfir í stað þess að bíllinn taki mest öll völd.

BMW mun taka mið af þessu í hönnun BMW á næstu árum og áratugum en um leið kynna fleiri og enn fullkomnari tæknilausnir, m.a. á sviði stafrænna snjalllausna sem bjóða mun fleiri möguleika til aukins umferðaröryggis en nú þekkist. Eitt af því er sú lausn sem gera mun þann sem situr við stýrið að hinum fullkomna ökumann, eða „the ultimate driver,“ eins og BMW kallar lausnina.