Rafmagnsbíll frá AMG eða dauði merkisins Finnur Thorlacius skrifar 10. október 2016 10:34 Munu þyrstir bensínbílar AMG brátt heyra sögunni til? Forstjóri AMG-deildar Mercedes Benz segir að ef þessi kraftabíladeild fyrirtækisins framleiðir ekki bíl sem eingöngu gengur fyrir rafmagni sé dauði hennar yfirvofandi. Því sé þróun slíks bíls í forgangi hjá AMG, en hann vill þó ekki tímasetja útkomu slíks bíls. Tobias Moers forstjóri AMG segir að deildin vinni nú að þróun nokkurra bíla, bæði tengiltvinnbíla og rafmagnsbíla, auk þess sem áfram verði framleiddir hefðbundnir kraftabílar sem drifnir eru áfram af jarðefnaeldsneyti. Það eru ekki engin plön hjá AMG að koma fram með hreinræktaðan rafmagnsbíl fyrir árið 2020, en það sé hinsvegar alveg óumflýjanlegt þar sem annars myndi þessi deild innan Mercedes Benz einfaldlega hverfa. Slíkur bíll yrði málamiðlun milli sparneytni og aksturshæfni, en það eigi við alla bíla samtímans í dag og í framtíðinni. Eini hreinræktaði rafmagnsbíll sem AMG-deildin hefur framleitt er frá árinu 2010 en sá bíll var með rafmótorum á öllum fjórum hjólum bílsins og var 740 hestöfl og með 999 Nm togi. Hann á ennþá metið kringum Nürburgring brautina á meðal rafmagnsbíla, en brautina fór bíllinn á 7:56,2 mínútum. AMG-deildin er að smíða ofurbíl með tengiltvinntækni og er hann innblásinn af Formúlu 1 tækni og verður með mótor samskonar og er í Formúlu 1 bílum, auk rafmótora. Takmarkið með þeim bíl er að smíða skilvirkasta bíl heims hvað varðar afl og eyðslu. Svo virðist sem allir þýsku lúxusbílaframleiðendurnir hafi tekið beinu stefnuna á smíði rafmagnsbíla og skilgreini framtíð sína með slíkri smíði, annars muni þau daga uppi sem steingervingar. Mest lesið Læknir í Kópavogi blekkti fjölskyldu sína með lygasögu um krabbamein Innlent Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Telja sig hafa fundið skipið sem skaut drónunum Erlent Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Hafði hvorki þekkingu né umboð til að tjá sig um fjármálin Innlent Tveggja vikna tvíburasystrum vísað úr landi Innlent Fossvogsbrúin sé álíka gáfuleg og að setja göngustíg í Reynisfjöru Innlent Fjöldauppsagnir á Keflavíkurflugvelli Innlent
Forstjóri AMG-deildar Mercedes Benz segir að ef þessi kraftabíladeild fyrirtækisins framleiðir ekki bíl sem eingöngu gengur fyrir rafmagni sé dauði hennar yfirvofandi. Því sé þróun slíks bíls í forgangi hjá AMG, en hann vill þó ekki tímasetja útkomu slíks bíls. Tobias Moers forstjóri AMG segir að deildin vinni nú að þróun nokkurra bíla, bæði tengiltvinnbíla og rafmagnsbíla, auk þess sem áfram verði framleiddir hefðbundnir kraftabílar sem drifnir eru áfram af jarðefnaeldsneyti. Það eru ekki engin plön hjá AMG að koma fram með hreinræktaðan rafmagnsbíl fyrir árið 2020, en það sé hinsvegar alveg óumflýjanlegt þar sem annars myndi þessi deild innan Mercedes Benz einfaldlega hverfa. Slíkur bíll yrði málamiðlun milli sparneytni og aksturshæfni, en það eigi við alla bíla samtímans í dag og í framtíðinni. Eini hreinræktaði rafmagnsbíll sem AMG-deildin hefur framleitt er frá árinu 2010 en sá bíll var með rafmótorum á öllum fjórum hjólum bílsins og var 740 hestöfl og með 999 Nm togi. Hann á ennþá metið kringum Nürburgring brautina á meðal rafmagnsbíla, en brautina fór bíllinn á 7:56,2 mínútum. AMG-deildin er að smíða ofurbíl með tengiltvinntækni og er hann innblásinn af Formúlu 1 tækni og verður með mótor samskonar og er í Formúlu 1 bílum, auk rafmótora. Takmarkið með þeim bíl er að smíða skilvirkasta bíl heims hvað varðar afl og eyðslu. Svo virðist sem allir þýsku lúxusbílaframleiðendurnir hafi tekið beinu stefnuna á smíði rafmagnsbíla og skilgreini framtíð sína með slíkri smíði, annars muni þau daga uppi sem steingervingar.
Mest lesið Læknir í Kópavogi blekkti fjölskyldu sína með lygasögu um krabbamein Innlent Tálbeitan ákærð fyrir rangt brot Innlent Létu sér andlát Hjörleifs í léttu rúmi liggja Innlent Telja sig hafa fundið skipið sem skaut drónunum Erlent Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Hafði hvorki þekkingu né umboð til að tjá sig um fjármálin Innlent Tveggja vikna tvíburasystrum vísað úr landi Innlent Fossvogsbrúin sé álíka gáfuleg og að setja göngustíg í Reynisfjöru Innlent Fjöldauppsagnir á Keflavíkurflugvelli Innlent