Framleiðslu þessara 17 bíla verður hætt á næsta ári

Þó svo sífellt sé verið að kynna nýja bíla af bílaframleiðendum heimsins þá hætta þeir líka framleiðsla margra bílgerða. Í svo til öllum tilfellum er framleiðslu bíla hætt vegna dræmrar sölu þeirra en í sumum tilfellum er framleiðslunni hætt vegna þess að aðrar nýrri bílgerðir leysa þá af hólmi.

Einir 17 bílar hætta í framleiðslu á næsta ári í Bandaríkjunum eða verða ekki lengur í sölu á Bandaríkjamarkaði og eru það eftirtaldir bílar. Aston Martin DB9, BMW Z4, Buick Verano, Cadillac ELR og Cadillac SRX, Chrysler 200 og Chrysler Town & Country, Dodge Viper og Dodge Dart, Honda CR-Z, Hyundai Equus og Hyundai Genesis/Coupe, Jeep Patriot, Land Rover Discovery LR4, Lincoln MKS, Scion tC og Volkswagen Eos blæjubíllinn.

Sumir þessara bíla verða leystir af hólmi með nýjum bílgerðum, svo sem Aston Martin DB11 leysir af hólmi DB9, Land Rover Discovery LR4 fær einnig arftaka, nýr lúxusbílaarmur Hyundai sem fengið hefur nafnið Genesis leysir af bílana Hyundai Equus og Hyundai Genesis/Coupe, BMW Z5 leysir af Z4 og þar sem Toyota hefur aflagt merkið Scion fá sumir þeirra áfram líf með merkjum Toyota.