Félagarnir hjá Mercedes, þeir Nico Rosberg og Lewis Hamilton, berjast nú um titil ökumanna í Formúlu 1 en síðasta mót ársins hófst í Abu Dabi nú klukkan 13:00 og er í beinni útsendingu á Stöð 2 Sport 2 HD.
Mikil spenna er í baráttunni um titilinn en Rosberg er í efsta sæti ökumannakeppninnar, 12 stigum á undan Hamilton. Rosberg dugir því að lenda í einu af þremur efstu sætum keppninnar í dag til að tryggja sér titilinn.
Í upphitun fyrir kappaksturinn á Stöð 2 Sport 2 HD var sýnt skemmtilegt myndband þar sem farið er yfir baráttuna á tímabilinu á milli þeirra Rosberg og Hamilton. Myndbandið má sjá efst í fréttinni.
Sjón er sögu ríkari.
