Bella Hadid ljóshærð fyrir Paper

Fyrirsætan Bella Hadid tekur sig vel út á forsíðu nýjasta tölublað Paper magazine en það sem vekur athygli er breytingin á háralit fyrirsætunnar. Hadid hefur hingað til verið þekkt fyrir súkkulaðibrúna lokka en skartar hvítu hári í myndaþættinum. 

Breytingin þykir gera Hadid að tvífara leikkonunnar frægu Jennifer Lawrence - eru þið sammála því? Það er einhver svipur eins og sjá má á myndum hér fyrir neðan. Ljósmyndari er Nicholas Moore en bæði stíliseringin og förðunin í þættinum er litrík og skemmtileg. 

Þess má geta að fyrirsætan sýnir einnig geirvörtugatið sem alla jafna er ekki til sýnis á myndum. Hringur eða pinni á þessum stað á líkamanum hefur verið vinsæll síðustu misseri og erum við vissar um að þessar myndir ýti enn frekar undir það.