Tom Hardy þarf að fá sér húðflúr hannað af DiCaprio eftir að hafa tapað við hann veðmáli

Leikarinn Tom Hardy þarf að fá sér húðflúr hannað af leikaranum Leonardo DiCaprio eftir að hafa tapað við hann veðmáli.  Þessu greindi Hardy frá í viðtali við Esquire magazine.

Veðmálið snerist um það að Hardy veðjaði við Caprio um að sá síðarnefndi myndi ekki fá tilnefningu til Óskarsverðlaunana fyrir hlutverk sitt í kvikmyndinni The Revenant. Yrði hann tilnefndur mætti hann hanna húðflúr á Hardy.

Fór svo að Caprio var ekki bara tilefndur fyrir leik sinn í kvikmyndinni heldur fór alla leið og vann sigur fyrir besta leik í aðalhlutverki. Hardy sem einnig fór með hlutverk í The Revenant var tilnefndur fyrir besta leik í aukahlutverki en fór ekki með sigur af hólmi.

Hardy segir að Caprio hafi sent honum miða eftir að niðurstaðan lá fyrir þar sem hann skrifaði með skelfilegri rithönd: „Leo veit allt“.

Sagðist Hardy þá hafa svarað honum um hæl og beðið hann vinsamlega um að vanda sig.

„Allt í lagi, ég geri þetta. Þú verður samt að vanda þig almennilega“