MAX1 gaf Krabbameinsfélaginu 1,7 milljónir

MAX1 Bíla­vakt­in afhenti í dag, ásamt fulltrúum finnska dekkjaframleiðandans Noki­an tires, Krabba­meins­fé­lagi Íslands 1,7 millj­óna króna styrk. Hluti söluágóða Nokian dekkja sem seld voru hjá MAX1 í október og nóvember síðastliðnum rann til Bleiku slauf­unn­ar, ár­vekni­átaks Krabba­meins­fé­lags­ins í bar­átt­unni gegn krabba­meini í kon­um.

„Þetta er í þriðja sinn sem MAX1 og Bleika slaufan ganga til samstarfs og hefur mikil ánægja ríkt með samstarfið frá upphafi, jafnt hjá viðskiptavinum sem og starfsmönnum. Það er okkur mikilvægt að taka þátt í svona verkefni og vekja um leið athygli á þörfu málefni. Til viðbótar er skemmtilegt frá því að segja að Nokian í Finnlandi hefur kynnt samstarfið fyrir sínum markaðssvæðum og vonandi sjáum við samskonar samstarf um alla Evrópu á næstu misserum“ seg­ir Sig­ur­jón Árni Ólafs­son, fram­kvæmd­ar­stjóri MAX1 Bíla­vakt­ar­inn­ar.  

Dekk eru af ólíkum gæðum

Nokian dekk koma frá Finnlandi og eru ein öruggustu dekk sem völ er á eins og kannanir hafa sýnt fram á. Nokian hefur sérhæft sig í framleiðslu dekkja fyrir erfiðar aðstæður sem við þekkjum hér á Íslandi. „Við höfum reynt að efla fræðslu um öryggi í umferðinni. Það kemur mörgum á óvart að heyra að mismunur á hemlunarvegalengd tveggja nýrra dekkja á 100 km hraða getur verið allt að 27 metrar. Þessi vegalengd getur skipt sköpum. Við bjóðum upp á dekk í öllum verðflokkum en við ráðleggjum fólki að velja gæðadekk því öryggi bílsins veltur mikið á gæðum dekkjanna“ segir Sigurjón Árni.