Sýning og kynningar hjá BL alla helgina

Starfsárið 2017 hjá BL og Hyundai er hafið af krafti með sérstökum janúartilboðum og frekari verðlækkunum á ýmsum nýjum bílum sem tóku gildi skömmu fyrir áramót umfram aðrar sem gerðar hafa verið allt að fjórum sinnum á undanförnum mánuðum. Um helgina verður því opið bæði laugardag og sunnudag þar sem kynntar verða allar helstu nýjungarnar sem framundan eru hjá fyrirtækinu á árinu.

BL Sævarhöfða

Við Sævarhöfðann verður m.a. rafmagnsbílinn Renault Zoe kynntur sem væntanlegur er í næsta mánuði og kosta mun frá 3.690 þúsunda króna. Þessi vinsælasti rafmagnsbíll á meginlandi Evrópu dregur allt að 400 km á hleðslunni miðað við bestu aðstæður. Einnig má nefna nýjan og rúmgóðan 7 manna Grand Scenic, einnig frá Renault, sem mun kosta frá 4.190 þúsundum króna, endurhannaðan Nissan Micra sem væntanlegur er í mars, og fjórhjóladrifna sjö manna Nissan X-Trail sportjeppann sem nú býðst með tveggja lítra dísilvél við sjálfskiptingu.

Þá má heldur ekki gleyma nýjum Land Rover Discovery sem kynntur verður á vormánuðum sem áhugafólk gefst tækifæri til að kynna sér í sýndarveruleika um helgina. Nýr Land Rover Discovery kemur á einstaklega hagstæðu verði, en grunnútgáfa jeppans með tveggja lítra 180 hestafla TD4 dísilvél og 8 gíra sjálfskiptingu mun kosta 9.490.000 króna.

Hyundai Garðabæ

Hjá Hyundai í Garðabæ verður m.a. lögð áhersla á sportlega og tæknivædda útgáfu annarrar kynslóðar litla fimm manna fólksbílsins i10 sem frumsýndur var á alþjóðlegu bílasýningunni í París í september sl og kosta mun frá 1.760 þúsundum króna. Tengimöguleikar i10 veita honum leiðandi hlutverk í þessum stærðarflokki. Í farþegarýminu verða m.a. að finna nýtt leiðsögukerfi á nýjum 7” skjá með mikilli upplausn og LIVE Services, Apple CarPlayTM til að tengja við iPhone-síma og Android AutoTM til að tengja við samhæfa Android-snjallsíma.

Í vegaleiðsögn LIVE Services fylgja umferðarupplýsingar í rauntíma, viðvaranir um hraðamyndavélar þar sem lög leyfa og upplýsingar um veðuraðstæður og áhugaverða staði á ferðalaginu. Einnig má nefna nýja hönnun á hleðslukví fyrir snjallsíma sem staðsett er á góðum stað til að síminn geti þjónað leiðsagnarhlutverki eða gert notandanum auðveldara með að stjórna spilun tónlistar á meðan rafhlaðan er að hlaðast.