Ók inn í stofu og kennir Tesla um Finnur Thorlacius skrifar 3. janúar 2017 12:46 Bíll S-Kóreumannsins kominn óþægilega langt í heimsókn inní stofu. Frægur S-kóreskur leikari, söngvari og lagasmiður ók Tesla Model X bíl sínum gegnum eigin bílskúr og þaðan gegnum vegg sem skilur að stofu íbúðar hans og bílskúrsins. Þessu óhappi kennir hann Tesla um og segir að bíllinn hafi hraðað sér sjálfur án þess að hann hafi gefið honum inn. Hann hefur haft í hótunum við Tesla og krefst greiðslu frá fyrirtækinu fyrir skemmdum á bílnum og viðurkenningu að auki á göllum bílsins. Með hótuninni fylgdi að hann myndi nota frægð sína til að kasta rýrð á Tesla og framleiðslu þess ef að greiðslur bærust ekki. Tesla hefur hinsvegar ekki greitt honum neitt og fullyrðir að hann hafi sjálfur ekið gegnum vegginn, engin bilun hafi verið í bílnum og það sé sýnilegt við rannsókn slyssins. S-Kóreumaðurinn hugleiðir að fara í mál við Tesla í kjölfarið og segir að hann sé ekki einn um það að fara í mál við tesla sökum ótímabærrar hröðunar á bílum þess. Hann fullyrðir að 7 aðrir hafi farið í mál við Tesla útaf þessum galla, en á móti segir Tesla að í öllum þeim tilvikum sé það sama uppá borði og í tilviki S-Kóreumannsins, ökumenn þeirra hafi allir ekið bílum sínum á af eigin rammleik. Í raun er vitað um alls 10 svona tilvik á Tesla bílum en ekki hafa allir þeirra þó farið í mál við Tesla. Það þykir nokkuð grunsamlegt að samkvæmt skrám Umferðaröryggisstofnunar Bandaríkjanna gerast svona tilvik almennt ekki nema í einu tilfelli hverra 100.000 bíla þar í landi. Í tilfelli Tesla Model X, sem er nýkominn á markað og það aðeins ennþá í 16.000 eintökum þá sé þetta hlutfall 62 bílar á hverja 100.000, eða 62 sinnum hærra. Kannski eitthvað bogið við það. Mest lesið Tálbeitan ákærð fyrir rangt brot Innlent Telja sig hafa fundið skipið sem skaut drónunum Erlent Létu sér andlát Hjörleifs í léttu rúmi liggja Innlent Hafði hvorki þekkingu né umboð til að tjá sig um fjármálin Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Átján tegundir af sólarvörn teknar úr sölu í Ástralíu Erlent Ekki sama manneskjan eftir hörmungarnar á Gasa Innlent Magga Stína á leið til Gasa með Frelsisflotanum Innlent
Frægur S-kóreskur leikari, söngvari og lagasmiður ók Tesla Model X bíl sínum gegnum eigin bílskúr og þaðan gegnum vegg sem skilur að stofu íbúðar hans og bílskúrsins. Þessu óhappi kennir hann Tesla um og segir að bíllinn hafi hraðað sér sjálfur án þess að hann hafi gefið honum inn. Hann hefur haft í hótunum við Tesla og krefst greiðslu frá fyrirtækinu fyrir skemmdum á bílnum og viðurkenningu að auki á göllum bílsins. Með hótuninni fylgdi að hann myndi nota frægð sína til að kasta rýrð á Tesla og framleiðslu þess ef að greiðslur bærust ekki. Tesla hefur hinsvegar ekki greitt honum neitt og fullyrðir að hann hafi sjálfur ekið gegnum vegginn, engin bilun hafi verið í bílnum og það sé sýnilegt við rannsókn slyssins. S-Kóreumaðurinn hugleiðir að fara í mál við Tesla í kjölfarið og segir að hann sé ekki einn um það að fara í mál við tesla sökum ótímabærrar hröðunar á bílum þess. Hann fullyrðir að 7 aðrir hafi farið í mál við Tesla útaf þessum galla, en á móti segir Tesla að í öllum þeim tilvikum sé það sama uppá borði og í tilviki S-Kóreumannsins, ökumenn þeirra hafi allir ekið bílum sínum á af eigin rammleik. Í raun er vitað um alls 10 svona tilvik á Tesla bílum en ekki hafa allir þeirra þó farið í mál við Tesla. Það þykir nokkuð grunsamlegt að samkvæmt skrám Umferðaröryggisstofnunar Bandaríkjanna gerast svona tilvik almennt ekki nema í einu tilfelli hverra 100.000 bíla þar í landi. Í tilfelli Tesla Model X, sem er nýkominn á markað og það aðeins ennþá í 16.000 eintökum þá sé þetta hlutfall 62 bílar á hverja 100.000, eða 62 sinnum hærra. Kannski eitthvað bogið við það.
Mest lesið Tálbeitan ákærð fyrir rangt brot Innlent Telja sig hafa fundið skipið sem skaut drónunum Erlent Létu sér andlát Hjörleifs í léttu rúmi liggja Innlent Hafði hvorki þekkingu né umboð til að tjá sig um fjármálin Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Átján tegundir af sólarvörn teknar úr sölu í Ástralíu Erlent Ekki sama manneskjan eftir hörmungarnar á Gasa Innlent Magga Stína á leið til Gasa með Frelsisflotanum Innlent