Skjaldbakan skrítnust sem sýndi á sér rassinn

Systkinin Jakob Eldur Fenger sex ára og Thea Björk Fenger fjögurra ára eru nýkomin frá Tenerife með foreldrum sínum. Þar sáu þau margt merkilegt. En hvað fannst þeim skrítnastJakob: Skjaldbaka sem var að sýna á sér rassinn.



Thea: Og krabbarnir á ströndinni, þeir voru rooosalega stórir.

Jakob: Við fórum í dýragarð.?

Thea: Þar fórum við í rússíbana. Riiiisastóran.



Jakob: Já, ég var næstum búinn að gubba. Við fengum líka að sjá hvað það er gert margt gott fyrir dýrin í garðinum, skoðuðum rannsóknarstofur og læknastofur og lærðum mikið. Svo sáum við marglittur, þær voru í lituðu vatni. En við fengum ekki að sjá ljónin því það var verið að laga plássið þeirra.



Hver eru uppáhaldsdýrið ykkar Thea: Mitt er tígrisdýr.

Jakob: Mitt er svarti pardus. Hann er rosa fljótur að hlaupa.



Jakob sýnir á vegg hvað Tenerife er langt fyrir neðan Ísland á landakorti Svo lentum við í einu landi hér á milli, segir hann og bendir á ósýnilegan punkt. Það heitir England.

Voru þau orðin leið á að sitja í flugvélinni? Thea: Já, en það var matur. Bara einu sinni, tekur Jakob fram.



Hvernig leikið þið ykkur oftast saman Jakob: Við erum helst að horfa á eitthvað.

Thea: Það er skemmtilegast.



En hvert farið þið út að leika? Jakob: Ég bið mömmu oft að koma upp að Hallgrímskirkju.

Thea: Við prílum stundum á styttunni af Leifi Eiríkssyni.



Jakob: Ég hef líka farið alveg upp í topp á tré.

 

Greinin birtist fyrst í Fréttablaðinu 14. janúar 2017