Svona lítur stjórnarsáttmálinn út Hulda Hólmkelsdóttir skrifar 10. janúar 2017 15:17 Formenn Sjálfstæðisflokksins, Viðreisnar og Bjartrar framtíðar undirrituðu sáttmála um ríkisstjórnarsamstarf í Gerðarsafni í Kópavogi í dag klukkan 14:30. Vísir/Ernir Formenn Sjálfstæðisflokksins, Viðreisnar og Bjartrar framtíðar undirrituðu sáttmála um ríkisstjórnarsamstarf í Gerðarsafni í Kópavogi í dag klukkan hálf þrjú Samkvæmt honum mun Sjálfstæðisflokkurinn fá forsætis-, innanríkis- mennta-, iðnaðar og viðskipta- og utanríkisráðuneytið. Björt Framtíð mun sitja í heilbrigðis- og umhverfisráðuneytunum. Viðreisn verður svo með fjármálaráðuneytið, sjávarútvegs- og landbúnarðarráðuneytð og félagsmálráðherra innan velferðarráðuneytis á sinni könnu. Sáttmálinn er alls átta blaðsíður og í inngangi hans segir að jafnvægi og framsýni verði leiðarstef ríkisstjórnarinnar. Ísland eigi að vera eftirsóknarvert fyrir alla sem vilja taka þátt í að byggja upp íslenskt samfélag til framtíðar. „Treysta þarf samkeppnishæfni Íslands. Ríkisstjórnin mun stuðla að uppbyggingu á innviðum samfélagsins, samgöngum, heilbrigðis- og menntakerfi og kraftmiklu og samkeppnishæfu atvinnulífi fyrir íbúa um land allt. Forsenda þess að sótt verði fram í átt að bættum lífskjörum er að stöðugleiki ríki í efnahagsmálum þannig að landsins gæði og núverandi efnahagsbati komi næstu kynslóðum einnig til góða,” segir í sáttmálanum.Heilbrigðismál í forgang Þá segir einnig að heilbrigðismál verði sett í forgang. Stefnt verði að því að minnka greiðsluþátttöku einstaklinga vegna heilbrigðisþjónustu og að byggingu meðferðarkjarna við Hringbraut verði lokið árið 2023. Þá verði aðgengi að geðheilbrigðisþjónustu aukið, meðal annars með sálfræðiþjónustu á heilsugæslu og í framhaldsskólum. Á blaðamannafundi í Gerðarsafni sagði Benedikt Jóhannesson, formaður Viðreisnar, að meðal fyrstu verka nýrrar ríkisstjórnar verði að koma á jafnlaunavottun fyrirtækja með 25 starfsmenn eða fleiri. Þá segir einnig í sáttmálanum að hámarksfjárhæðir fæðingarorlofs verða hækkaðar í öruggum skrefum á kjörtímabilinu. Aflamarkaðskerfið verður, samkvæmt sáttmálanum, áfram grunnstoð sjávarútvegs á Íslandi en kannað verði hvaða kostir séu tækir, svo sem markaðstenging, sérstakt afkomutengt gjald eða aðrar leiðir, ti lað tryggja betur að gjald fyrir aðgang að sameiginlegri auðlind verði í eðlilegu hlutfalli við afrakstur veiða.Menntamál Þegar kemur að menntamálum er nefnt að tekið verði upp námsstyrkjakerfi að norrænni fyrirmynd og lánveitingar LÍN miðaðar við fulla framfærslu og hvatningu til námsframvindu og að hugað verði að félagslegu hlutverki sjóðsins. Háskólar á Íslandi verði studdir í að halda uppi gæðum og standst alþjóðlega samkeppni um leið og samvinna og samhæfing íslenskra háskóla- og vísindastofnana verður aukin. Endurskoða þurfi reiknilíkön skólakerfisins með tilliti til mismunandi kostnaðar og fjölbreytts nemendahóps. Þá verði unnið markvisst að því að tryggja börnum leikskóla- eða dagvistun þegar fæðingarorlofi sleppir með sameiginlegu átaki ríkis og sveitarfélaga.Menningarmál Myndarlega verður stutt við rannsóknir og þróun og hlutverk samkeppnissjóða víkkað út til rannsókna á sviði skapandi greina Þá segir að endurskoða þurfi löggjöf í samræmi við þróun í tækni og tækjabúnaði til afritunar og dreifingar höfundaréttarvarins efnis. Þá muni ríkið færa útgáfu námsefnis í auknum mæli til sjálfstæðra útgefenda sem gegna mikilvægu menningarhlutverki með fjölbreyttri útgáfustarfsemiLöggæsla og útlendingamál Þá beri að efla getu lögreglu og ákæruvalds til að bregðast við kynferðisbrota- og heimilisofbeldismálum. Lögð verður áhersla á framkvæmd aðgerðaáætlunar um bætta verkferla vegna kynferðisbrota og lagt til við Alþingi að stafrænt kynferðisofbeldi verði skilgreint í hegningarlögum. Meðal þess sem kemur fram undir liðnum lög og regla í sáttmálanum segir að unnið skuli að uppbyggingu löggæslunnar og sérstaklega skal horft til aukins álags á landsvísu vegna fjölgunar ferðamanna og landamæraeftirlit styrkt. Um innflytjenda- og útlendingamál segir að vanda verði til reglubundinnar móttöku kvótaflóttafólks og stefnt sé að því að taka á móti fleiri flóttamönnum. Mannúðarsjónarmið skuli höfð að leiðarljósi við afgreiðslu umsókna um alþjóðlega vernd, samanber skyldur í samræmi við flóttamannasamning Sameinuðu þjóðanna, og afgreiðslutími styttur án þess að það bitni á vandaðri málsmeðferð.Efnahagsmál og stöðugleiki Aðhaldi í ríkisrekstri, sölu eigna sem komust í eigu ríkissjóðs í kjölfar bankahrunsins og niðurgreiðsli ríkisskulda er ætlað að styðja áfram við sterka stöðu í ríksifjármálum. Áhersla verði lögð á opið og gagnsætt söluferli eigna. Stöðugleikasjóður verður stofnaður til að halda utan um arð af orkuauðlindum og tryggja komandi kynslóðum hlutdeild í ávinningi af sameiginlegum auðlindum. Sjóðurinn mun einnig geta verið sveiflujafnandi fyrir efnahagslífið Ríkisstjórnin mun styðja sátt á vinnumarkaði meðal annars með stuðningi við SALEK og jöfnun kjara milli opinbera og almenna markaðarins. Kosningar 2016 Tengdar fréttir Nýr stjórnarsáttmáli: Samþykki Alþingis þarf fyrir þjóðaratkvæðagreiðslu um ESB Peningastefnan verður endurskoðuð í samræmi við skýrslu Seðlabankans frá árinu 2012 og lögð verður fram þingsályktunartillaga fyrir lok þings um hvort kjósa eigi um áframhaldandi aðildarviðræður við Evrópusambandið. Þetta er á meðal þess sem fram kemur í nýgerðum stjórnarsáttmála nýrrar ríkisstjórnar Sjálfstæðisflokks, Viðreisnar og Bjartrar framtíðar. 9. janúar 2017 21:30 Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Formenn Sjálfstæðisflokksins, Viðreisnar og Bjartrar framtíðar undirrituðu sáttmála um ríkisstjórnarsamstarf í Gerðarsafni í Kópavogi í dag klukkan hálf þrjú Samkvæmt honum mun Sjálfstæðisflokkurinn fá forsætis-, innanríkis- mennta-, iðnaðar og viðskipta- og utanríkisráðuneytið. Björt Framtíð mun sitja í heilbrigðis- og umhverfisráðuneytunum. Viðreisn verður svo með fjármálaráðuneytið, sjávarútvegs- og landbúnarðarráðuneytð og félagsmálráðherra innan velferðarráðuneytis á sinni könnu. Sáttmálinn er alls átta blaðsíður og í inngangi hans segir að jafnvægi og framsýni verði leiðarstef ríkisstjórnarinnar. Ísland eigi að vera eftirsóknarvert fyrir alla sem vilja taka þátt í að byggja upp íslenskt samfélag til framtíðar. „Treysta þarf samkeppnishæfni Íslands. Ríkisstjórnin mun stuðla að uppbyggingu á innviðum samfélagsins, samgöngum, heilbrigðis- og menntakerfi og kraftmiklu og samkeppnishæfu atvinnulífi fyrir íbúa um land allt. Forsenda þess að sótt verði fram í átt að bættum lífskjörum er að stöðugleiki ríki í efnahagsmálum þannig að landsins gæði og núverandi efnahagsbati komi næstu kynslóðum einnig til góða,” segir í sáttmálanum.Heilbrigðismál í forgang Þá segir einnig að heilbrigðismál verði sett í forgang. Stefnt verði að því að minnka greiðsluþátttöku einstaklinga vegna heilbrigðisþjónustu og að byggingu meðferðarkjarna við Hringbraut verði lokið árið 2023. Þá verði aðgengi að geðheilbrigðisþjónustu aukið, meðal annars með sálfræðiþjónustu á heilsugæslu og í framhaldsskólum. Á blaðamannafundi í Gerðarsafni sagði Benedikt Jóhannesson, formaður Viðreisnar, að meðal fyrstu verka nýrrar ríkisstjórnar verði að koma á jafnlaunavottun fyrirtækja með 25 starfsmenn eða fleiri. Þá segir einnig í sáttmálanum að hámarksfjárhæðir fæðingarorlofs verða hækkaðar í öruggum skrefum á kjörtímabilinu. Aflamarkaðskerfið verður, samkvæmt sáttmálanum, áfram grunnstoð sjávarútvegs á Íslandi en kannað verði hvaða kostir séu tækir, svo sem markaðstenging, sérstakt afkomutengt gjald eða aðrar leiðir, ti lað tryggja betur að gjald fyrir aðgang að sameiginlegri auðlind verði í eðlilegu hlutfalli við afrakstur veiða.Menntamál Þegar kemur að menntamálum er nefnt að tekið verði upp námsstyrkjakerfi að norrænni fyrirmynd og lánveitingar LÍN miðaðar við fulla framfærslu og hvatningu til námsframvindu og að hugað verði að félagslegu hlutverki sjóðsins. Háskólar á Íslandi verði studdir í að halda uppi gæðum og standst alþjóðlega samkeppni um leið og samvinna og samhæfing íslenskra háskóla- og vísindastofnana verður aukin. Endurskoða þurfi reiknilíkön skólakerfisins með tilliti til mismunandi kostnaðar og fjölbreytts nemendahóps. Þá verði unnið markvisst að því að tryggja börnum leikskóla- eða dagvistun þegar fæðingarorlofi sleppir með sameiginlegu átaki ríkis og sveitarfélaga.Menningarmál Myndarlega verður stutt við rannsóknir og þróun og hlutverk samkeppnissjóða víkkað út til rannsókna á sviði skapandi greina Þá segir að endurskoða þurfi löggjöf í samræmi við þróun í tækni og tækjabúnaði til afritunar og dreifingar höfundaréttarvarins efnis. Þá muni ríkið færa útgáfu námsefnis í auknum mæli til sjálfstæðra útgefenda sem gegna mikilvægu menningarhlutverki með fjölbreyttri útgáfustarfsemiLöggæsla og útlendingamál Þá beri að efla getu lögreglu og ákæruvalds til að bregðast við kynferðisbrota- og heimilisofbeldismálum. Lögð verður áhersla á framkvæmd aðgerðaáætlunar um bætta verkferla vegna kynferðisbrota og lagt til við Alþingi að stafrænt kynferðisofbeldi verði skilgreint í hegningarlögum. Meðal þess sem kemur fram undir liðnum lög og regla í sáttmálanum segir að unnið skuli að uppbyggingu löggæslunnar og sérstaklega skal horft til aukins álags á landsvísu vegna fjölgunar ferðamanna og landamæraeftirlit styrkt. Um innflytjenda- og útlendingamál segir að vanda verði til reglubundinnar móttöku kvótaflóttafólks og stefnt sé að því að taka á móti fleiri flóttamönnum. Mannúðarsjónarmið skuli höfð að leiðarljósi við afgreiðslu umsókna um alþjóðlega vernd, samanber skyldur í samræmi við flóttamannasamning Sameinuðu þjóðanna, og afgreiðslutími styttur án þess að það bitni á vandaðri málsmeðferð.Efnahagsmál og stöðugleiki Aðhaldi í ríkisrekstri, sölu eigna sem komust í eigu ríkissjóðs í kjölfar bankahrunsins og niðurgreiðsli ríkisskulda er ætlað að styðja áfram við sterka stöðu í ríksifjármálum. Áhersla verði lögð á opið og gagnsætt söluferli eigna. Stöðugleikasjóður verður stofnaður til að halda utan um arð af orkuauðlindum og tryggja komandi kynslóðum hlutdeild í ávinningi af sameiginlegum auðlindum. Sjóðurinn mun einnig geta verið sveiflujafnandi fyrir efnahagslífið Ríkisstjórnin mun styðja sátt á vinnumarkaði meðal annars með stuðningi við SALEK og jöfnun kjara milli opinbera og almenna markaðarins.
Kosningar 2016 Tengdar fréttir Nýr stjórnarsáttmáli: Samþykki Alþingis þarf fyrir þjóðaratkvæðagreiðslu um ESB Peningastefnan verður endurskoðuð í samræmi við skýrslu Seðlabankans frá árinu 2012 og lögð verður fram þingsályktunartillaga fyrir lok þings um hvort kjósa eigi um áframhaldandi aðildarviðræður við Evrópusambandið. Þetta er á meðal þess sem fram kemur í nýgerðum stjórnarsáttmála nýrrar ríkisstjórnar Sjálfstæðisflokks, Viðreisnar og Bjartrar framtíðar. 9. janúar 2017 21:30 Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Nýr stjórnarsáttmáli: Samþykki Alþingis þarf fyrir þjóðaratkvæðagreiðslu um ESB Peningastefnan verður endurskoðuð í samræmi við skýrslu Seðlabankans frá árinu 2012 og lögð verður fram þingsályktunartillaga fyrir lok þings um hvort kjósa eigi um áframhaldandi aðildarviðræður við Evrópusambandið. Þetta er á meðal þess sem fram kemur í nýgerðum stjórnarsáttmála nýrrar ríkisstjórnar Sjálfstæðisflokks, Viðreisnar og Bjartrar framtíðar. 9. janúar 2017 21:30