Grótta varð í dag síðasta liðið til að tryggja sér sæti í undanúrslitum Coca Cola bikars karla í handbolta eftir 22-26 sigur á Gróttu á Seltjarnarnesi.
Afturelding, Valur, Haukar og FH verða því í pottinum þegar dregið verður í undanúrslitin á mánudaginn.
Elvar Ásgeirsson skoraði sjö mörk fyrir Aftureldingu sem seig fram úr í seinni hálfleiknum í dag.
Staðan í hálfleik var jöfn, 12-12, en Mosfellingar spiluðu sterka vörn í seinni hálfleik þar sem þeir fengu aðeins 10 mörk á sig. Á meðan skoruðu þeir 14 mörk og unnu á endanum fjögurra marka sigur, 22-26.
Aron Dagur Pálsson skoraði sjö mörk fyrir Gróttu sem komst alla leið í bikarúrslit í fyrra.
Mörk Gróttu:
Aron Dagur Pálsson 7, Leonharð Þorgeir Harðarson 3, Þráinn Orri Jónsson 3, Elvar Friðriksson 2, Finnur Ingi Stefánsson 2, Júlíus Þórir Stefánsson 2, Árni Benedikt Árnason 1, Vilhjálmur Geir Hauksson 1, Nökkvi Dan Elliðason 1.
Mörk Aftureldingar:
Elvar Ásgeirsson 7, Árni Bragi Eyjólfsson 5, Kristinn Hrannar Bjarkason 4, Ernir Hrafn Arnarson 2, Gunnar Malmquist Þórsson 2, Pétur Júníusson 2, Guðni Már Kristinsson 1, Jón Heiðar Gunnarsson 1, Davíð Svansson 1, Mikk Pinnonen 1.
Afturelding komið í undanúrslit eftir sigur á Nesinu
Tengdar fréttir
Umfjöllun, viðtöl og myndir: Haukar - Selfoss 31-28 | Haukar í Höllina
Haukar eru komnir í undanúrslit Coca Cola bikars karla eftir þriggja marka sigur á Selfossi, 31-28, í Schenker-höllinni í kvöld.
Umfjöllun og viðtöl: Valur - Stjarnan 26-18 | Bikarmeistararnir fóru örugglega í Höllina
Valur tryggði sér sæti í undanúrslitum Coca Cola-bikars karla í handbolta með öruggum sigri á Stjörnunni á heimvelli í kvöld 26-18.
Umfjölllun, viðtöl og myndir: Fram - FH 28-32 | FH-vélin fór í gang í seinni hálfleik
FH-ingar urðu fyrstir til að tryggja sér sæti í undanúrslitum Coca Cola bikar karla í handbolta eftir sigur í Safamýri í kvöld.
