Fimm neðstu liðin náðu öll í stig | Úrslit og markaskorarar í karlahandboltanum

Það er áfram spenna í Olís-deild karla fyrir lokaumferðina þrátt fyrir að FH-ingar hafi farið langt með að tryggja sér deildarmeistaratitilinn með sigri á Haukum á útivelli.

Selfoss komst upp fyrir Val og í fimmta sætið eftir eins marks sigur á Valsmönnum á Selfossi í kvöld.  Valsmenn eru að fara spila mikilvægan Evrópuleik á laugardaginn þar sem liðið getur komist í undanúrslit.

Fimm neðstu liðin náðu öll í stig í umferðinni í kvöld en auk jafntefli Gróttu og Stjörnunnar þá náðu Framarar jafntefli á móti Aftureldingu og Akureyri sótti stig út í Eyjar.

FH-ingar eru með eins stigs forskot á ÍBV og betri stöðu í innbyrðisleikjum eftir sigur á Haukum í kvöld og jafntefli ÍBV á heimavelli á móti botnliði Akureyrar.

Stjarnan og Akureyri náðu bæði í stig í kvöld og spila því hreinan úrslitaleik um fallið á Akureyri í lokaumferðinni. Akureyri getur náð Stjörnunni og komist upp fyrir Garðbæinga á innbyrðisviðureignum takist norðanmönnum að vinna lokaleikinn.



Hér fyrir neðan má sjá öll úrslit og alla markaskorara úr leikjunum í kvöld.



Úrslit og markaskorarar úr leikjum kvöldsins í Olís-deild karla í handbolta:



Selfoss - Valur 29-28 (14-16)

Mörk Selfoss: Hergeir Grímsson 8, Teitur Örn Einarsson 8, Elvar Örn Jónsson 6, Guðni Ingvarsson 4, Einar Sverrisson 2, Alexander Már Egan 1.

Mörk Vals: Atli Karl Bachmann 7, Sveinn Aron Sveinsson 7, Alexander Örn Júlíusson 5, Heiðar Þór Aðalsteinsson 3, Anton Rúnarsson 3, Orri Freyr Gíslason 1, Atli Már Báruson 1, Vignir Stefánsson 1.



Fram - Afturelding 32-32 (17-16)

Mörk Fram: Arnar Birkir Hálfdánarson 11, Þorgeir Bjarki Davíðsson 9, Þorsteinn Gauti Hjálmarsson 6, Andri Þór Helgason 3, Matthías Bernhöj Daðason 1, Bjartur Guðmundsson 1, Davíð Stefán Reynisson 1.

Mörk Aftureldingar: Ernir Hrafn Arnarson 8, Þrándur Gíslason Roth 6, Elvar Ásgeirsson 4, Guðni Már Kristinsson 4, Gestur Ólafur Ingvarsson 3, Kristinn Hrannar Elísberg 3, Birkir Benediktsson 3, Davíð Svansson 1.



Grótta - Stjarnan 31-31 (16-18)

Mörk Gróttu: Þráinn Orri Jónsson 8, Elvar Friðriksson 6, Júlíus Þórir Stefánsson 5, Finnur Ingi Stefánsson 5, Aron Dagur Pálsson 4, Leonharð Þorgeir Harðarson 2, Lárus Gunnarsson 1

Mörk Stjörnunnar: Ólafur Gústafsson 6, Garðar Benedikt Sigurjónsson 5, Ari Magnús Þorgeirsson 5, Starri Friðriksson 5, Sverrir Eyjólfsson 4, Andri Hjartar Grétarsson 4, Stefán Darri Þórsson 2.



ÍBV - Akureyri 22-22 (9-12)

Mörk ÍBV (skot): Theodór Sigurbjörnsson 7/2 (8/2), Sigurbergur Sveinsson 5 (11), Róbert Aron Hostert 4 (9), Magnús Stefánsson 2 (2), Agnar Smári Jónsson 2 (7), Dagur Arnarsson 1 (1), Grétar Þór Eyþórsson 1 (2).

Mörk Akureyrar (skot): Andri Snær Stefánsson 6/2 (6/2), Kristján Orri Jóhannsson 4 (6), Mindaugas Dumcius 4 (6), Brynjar Hólm Grétarsson 4 (7), Friðrik Svavarsson 2 (4), Bergvin Þór Gíslason 1 (1), Róbert Sigurðarson 1 (1).



Haukar - FH 28-30 (14-16)

Mörk Hauka (skot): Ivan Ivokovic 10 (15), Hákon Daði Styrmisson 4 (5), Daníel Þór Ingason 4 (8), Jón Þorbjörn Jóhannsson 3 (3), Tjörvi Þorgeirsson 3 (8), Guðmundur Árni Ólafsson 2/1 (4/1), Heimir Óli Heimisson 1 (1), Adam Haukur Baumruk 1 (4).

Mörk FH (skot): Ásbjörn Friðriksson 9/1 (14/1), Ágúst Birgisson 6 (6), Einar Rafn Eiðsson 6/2 (13/3), Arnar Freyr Ársælsson 2 (3), Jóhann Karl Reynisson 2 (3), Óðinn Þór Ríkharðsson 2 (3), Gísli Þorgeir Kristjánsson 1 (1), Ísak Rafnsson 1 (2), Jóhann Birgir Ingvarsson 1 (3).