Nýr SsangYong Rexton

SsangYong mun sýna þessa nýju kynslóð Rexton jeppans í næstu viku á bílasýningunni Seoul Motor Show. Þessi bíll verður flaggskip jeppa og jepplingalínu SsangYong og víst er að þarna fer mun fríðari bíll en núverandi gerð Rexton.

Flott útlit bílsins hefur kannski með það að gera að Mahindra & Mahindra, móðurfyrirtæki SsangYong keypti árið 2015 Pininfarina hönnunarhúsið ítalska og víst má telja að fingur þeirra hafi snert teikniborðið við hönnun þessa nýja bíls.

Bíllinn verður 4,85 metrar að lengd, 1,92 m breiður og 1,8 m hár og með 2,86 m milli öxla. Bíllinn mun bæði fást með bensín- og dísilvélum og hann mun bæði fást fjórhjóladrifinn og framhjóladrifinn.

Þetta verður fyrsti bíll SsangYong sem verður með nýjum Quad-Frame undirvagni með miklu hástyrktarstáli. Það mun bæði styrkja bílinn mikið en létta hann í leiðinni. Notkun hástyrktarstáls verður 63% af heildarundirbyggingu bílsins.

Sala nýs Rxton mun hefjast á fyrri helmingi ársins í heimalandinu, en á seinni helmingi ársins á öðrum mörkuðum.