Beyonce orðuð við hlutverk Nölu í endurútgáfu Lion King

Um þessar mundir fer Disney að ráðast í leikna endurgerð af hinni klassísku kvikmynd Lion King. Nú þegar er búið að tilkynna að Donald Glover muni fara með hlutverk Simpa og James Earl Jones muni tala fyrir Múfasa. 

Samkvæmt vefsíðu Variety er ofurstjarnan og söngkonan Beyonce orðuð við hlutverk Nölu í myndinni. Ekkert er þó staðfest í þeim efnum enda er söngkonan ólétt af tvíburum og hætti við framkomu sína á Coachella seinna í þessum mánuði. 

Samkvæmt heimildum Variery eru þó framleiðendur myndarinnar tilbúnir til þess að sníða sig gjörsamlega í kringum dagskrá Beyonce og þar sem hún mundi aðeins ljá rödd sína hlutverkinu þá þyrfti hún aldrei að vera fyrir framan myndavélina. 

Getið þið ímyndað ykkur hversu frábært það væri ef að þau Beyonce og Donald Glover mundu syngja Can You Feel The Love Tonight saman í senunni hér fyrir neðan.