Vettel fljótastur á föstudagsæfingum

Sebastian Vettel á Ferrari var fljótastur á báðum föstudagsæfingum fyrir Barein kappaksturinn sem fram fer um helgina.

Fyrri æfingin

Kimi Raikkonen á Ferrari var hægastur á fyrri æfingunni eftir að hafa þurft að stoppa á sjöunda hring vegna vélarbilurnar.

Daniel Ricciardo og Max Verstappen á Red Bull voru í öðru og þriðja sæti á æfingunni. Sergio Perez á Force India varð fjórði.

Honda vélin hætti að ganga í McLaren-Honda bíl Stoffel Vandoorne, þegar 21 mínúta var eftir af æfingunni.

Seinni æfingin

Vettel var aftur fljótastur á Ferrari, Valtteri Bottas á Mercedes varð annar og Ricciardo þriðji. Raikkonen bætti upp fyrir tapaðan tíma á fyrri æfingunni og varð fjórði. Munurinn á Vettel og Raikkonen var ekki nema 0,186 sekúndur.

Bíll Vettel hætti að virka þegar æfingin var rúmlega hálfnuð og honum tókst að láta hann rúlla inn á þjónustusvæðið.

Lance Stroll á Williams sagðist og kvalinn til að geta haldið áfram undir lok tímatökunnar. Hann sagði að sér væri of heitt. Líklega hefur rafkerfið í bílnum farið að hita út frá sér.

T - vængurinn brotnaði af bíl Bottas og Verstappen ók yfir hann, það skemmdi gólfið á bíl hans og Red Bull þurfti að skipta um gólf á bíl Verstappen. Það truflaði æfinguna hans.

Bein útsending frá tímatökunni hefst klukkan 14:50 á morgun á Stöð 2 Sport 2. Bein útsending frá keppninni hefst svo klukkan 14:30 á sunnudag, á Stöð 2 Sport 2.

Hér að neðan má finna öll helstur úrslit helgarinnar.