Ólafía Þórunn Kristinsdóttir lék frábærlega á öðrum hring á Volunteers of America Texas Shootout mótinu í golfi. Mótið er hluti af LPGA-mótaröðinni og fer fram á Las Colinas vellinum í Texas.
Ólafía lék hringinn í dag á fjórum höggum undir pari og er samtals á einu höggi undir pari.
Ólafía komst örugglega í gegnum niðurskurðinn sem miðaðist við þrjú högg yfir pari.
Ólafía fór frábærlega af stað og fékk fjóra fugla á fyrstu níu holunum. Hún lék seinni níu holurnar á parinu og endaði því á fjórum höggum undir pari.
Ólafía er núna í 29.-42. sæti á mótinu en ekki hafa allir kylfingar lokið leik.
Frábær frammistaða Ólafíu sem komst örugglega í gegnum niðurskurðinn
Tengdar fréttir
Ólafía Þórunn á þremur yfir pari eftir fyrsta hringinn
Ólafía Þórunn Kristinsdóttir er á þremur höggum yfir pari eftir fyrsta hringinn á Volunteers of America Texas Shootout mótinu í golfi.
