Leiftur McQueen í vanda í nýrri stiklu Cars 3

Leiftur McQueen og félagar eru mættir aftur í nýrri stiklu fyrir næstu kvikmynd í Cars-myndabálknum.

Myndin er sú þriðja í röðinni og verður frumsýnd í sumar, þann 16. júní í Bandaríkjunum.

Í myndinni þarf Leiftur að taka á honum stóra sínum gegn hinum ógnvænlega Jackson Storm sem hefur sett hvert hraðametið á fætur öðru.

Stærsti andstæðingur Leifturs er þó hann sjálfur en til að komast aftur á kappakstursbrautina þarf hann að sigrast á þjakandi efasemdum og leggja á sig þrotlausar æfingar.

Leiftur, Krókur og allir hinir bílarnir koma við sögu í stiklunni sem sjá má hér að neðan.